༢༠༡༤ ཟླ་ ༩ ཚེས་ ༤ རེས་གཟའ་ཕུར་བུ།
༄༅། །བཙན་བྱོལ་བོད་མིའི་སྒྲིག་འཛུགས་ཀྱི་དགོས་མཁོ་དང་བསྟུན་ནས་ཤེས་རིག་ལས་ཁུངས་ཆེད་ཁྱད་ལས་པའི་ས་སྟོང་ཡོད་པར་དགོས་ངེས་ཆ་རྐྱེན་ཚང་ཞིང་དོན་དམ་སྲི་ཞུའི་ལས་བྱེད་དུ་ཞུགས་ཏེ་ཉུང་མཐར་ལོ་ལྔ་ཞབས་ཞུ་གནང་འདོད་ཡོད་རིགས་ནས་གཤམ་འཁོད་ཁ་བྱང་ཐོག་འཚང་སྙན་འབུལ་འཐུས།
ཀ༽ ཚན་རིག་ཐོག་ཁྱད་ལས་པ་ཤེས་ཡོན་འགན་འཛིན་དྲུང་གཞོན་ ༡ གི་དགོས་ངེས་ཆ་རྐྱེན།
༡༽ ལས་འགན། ཚན་རིག་གི་ཤེས་ཡོན་འགན་འཛིན། (Education Officer for Science)
༢༽ ཤེས་ཚད། ཚད་ལྡན་གཙུག་ལག་ཆེས་མཐོའི་སློབ་གཉེར་ཁང་གང་རུང་ནས་ཉུང་མཐར་ཚན་རིག་ཐོག་འབུམ་རམས་པ་ (Phd) ཐོན་པའི་ལག་འཁྱེར་ཡོད་པ།
ཡང་ན།
གཙུག་ལག་རབ་འབྱམས་པའི་ལག་འཁྱེར་ཉིས་བརྩེགས་(Double Master’s Degree)ཡོད་པ་ནས་གཅིག་ཚན་རིག་ཐོག་གཙུག་ལག་རབ་འབྱམས་པ་ (Master’s Degree in Science) ཡིན་དགོས།
ཡང་ན།
(M.Phil) ལག་འཁྱེར་ཡོད་པ། དེ་མིན་དེ་དང་མཉམ་པའི་ཁྱད་ལས་པའི་ལག་འཁྱེར་(Qualified in other equivalent professional field) ཡོད་པ་དགོས།
༣༽ ལོ་ཚད། ༢༠༡༤།༡༠།༡༥ ཉིན་རང་ལོ་ ༤༠ ལས་མ་བརྒལ་བ་དགོས།
༤༽ ཉམས་མྱོང་། སློབ་གྲྭའི་ནང་ཚན་རིག་སློབ་འཁྲིད་ཉམས་མྱོང་ཉུང་མཐར་ལོ་ ༤ ཡོད་པ།
༥༽ རྒྱུགས་གཞི། ཆ་རྐྱེན་ཚང་བའི་མི་འགྲོ་རྣམས་ལ་ངག་རྒྱུགས་ཀྱི་ལམ་ནས་བསྐོ་གཞག་གནང་རྒྱུ།
ཁ༽ མི་ཆོས་རིག་པ་ (Humanity Stream) ཐོག་ཁྱད་ལས་པ་ཤེས་ཡོན་འགན་འཛིན་དྲུང་གཞོན་ ༡ གི་དགོས་ངེས་ཆ་རྐྱེན།
༡༽ ལས་འགན། མི་ཆོས་རིག་པའི་ཤེས་ཡོན་འགན་འཛིན། (Education Officer for Humanity Stream)
༢༽ ཤེས་ཚད། ཚད་ལྡན་གཙུག་ལག་ཆེས་མཐོའི་སློབ་གཉེར་ཁང་གང་རུང་ནས་ཉུང་མཐར་འབུམ་རམས་པ་ (Phd) ཐོན་པའི་ལག་འཁྱེར་ཡོད་པ
ཡང་ན།
གཙུག་ལག་རབ་འབྱམས་པའི་ལག་འཁྱེར་ཉིས་བརྩེགས་(Double Master’s Degree) ཡོད་པ།
ཡང་ན།
(M.Phil) ལག་འཁྱེར་ཡོད་པ། དེ་མིན་དེ་དང་མཉམ་པའི་ཁྱད་ལས་པའི་ལག་འཁྱེར་ (Qualified in other equivalent professional field) ཡོད་པ་དགོས།
༣༽ ལོ་ཚད། ༢༠༡༤།༡༠། ༡༥ ཉིན་རང་ལོ་ ༤༠ ལས་མ་བརྒལ་བ་དགོས།
༤༽ ཉམས་མྱོང། སློབ་གྲྭའི་ནང་མི་ཆོས་རིག་པའི་སློབ་ཚན་གང་རུང་ཐོག་ལོ་ ༤ སློབ་འཁྲིད་བྱས་པ།
༥༽ རྒྱུགས་གཞི། ཆ་རྐྱེན་ཚང་བའི་མི་འགྲོ་རྣམས་ལ་ངག་རྒྱུགས་ཀྱི་ལམ་ནས་བསྐོ་གཞག་གནང་རྒྱུ།
གོང་གསལ་ས་མིག་སོ་སོར་ཆ་རྐྱེན་ལྡན་རིགས་ནས་འདི་ག་ལས་ཁུངས་དང། ས་གནས་འགོ་འཛིན་ལས་ཁུངས། གཞུང་འབྲེལ་དྲ་རྒྱ་ (www.tibet.net) ནས་བོད་ཡིག་ཐོག་གཏན་འབེབས་ཡོད་པའི་འཚང་སྙན་འགེངས་ཤོག་བཏོན་ཏེ་དོན་ཚན་རྣམས་འཚེམས་ལུས་མེད་པ་བཀང་ཟིན་རྗེས།
༡༽ རང་ཉིད་ཀྱི་ད་ལྟའི་ཕྱེད་པར་ ༢ རེ་དང།
༢༽ མཐའ་མའི་ཤེས་ཚད་ཨང་ཤོག་དང་ལག་འཁྱེར་ (Marks Card & Degree Certificate) གྱི་ངོ་བཤུས།
༣༽ དྭང་བླངས་དཔྱ་ཁྲལ་ལག་དེབ་ཀྱི་ཤོག་གྲངས་དང་པོ་དང། གཉིས་པ། མཐའ་མའི་ངོ་བཤུས།
༤༽ གནས་ཡུལ་རྒྱལ་ཁབ་ཏུ་གནས་སྡོད་ཆོག་པའི་ལག་འཁྱེར། (RC) ཤོག་གྲངས་དང་པོ་དང། དུས་འགྱངས་ཞུས་པའི་མཐའ་མའི་ངོ་བཤུས།
༥༽ ཁྲིམས་མཐུན་སྐྱེས་ཚེས་ལག་འཁྱེར་ (Birth Certificate) གྱི་ངོ་བཤུས།
༦༽ བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་(MC) ཁ་གསར་སྟེང་རང་ཉིད་ཀྱི་འདྲ་དཔར་མཉམ་སྦྱར་ཐོག་སྨན་པའི་ལས་དམ་དང། ས་རྟགས་འཁོད་པ་ངོ་མ། (རྡ་ས་བདེ་ལེགས་སྨན་ཁང་གི་ངོས་སྦྱོར་ཡིན་ན་སྨན་པ་ས་འདུ་ཚེ་བརྟན་རྡོ་རྗེའི་ངོས་སྦྱོར་ཞུ་དགོས)
༧༽ འབྲེལ་ཡོད་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་(Character Certificate) ངོ་མ།
༨༽ ལས་བྱེད་ཁོངས་ཚུད་ན་ཉུང་མཐར་ལོ་ ༥ ཞབས་ཞུ་གནང་རྒྱུའི་གན་ཡིག (རྗེས་སུ་འབུལ་ན་འཐུས་རྒྱུ།)
༩༽ གལ་སྲིད་ད་ལྟ་སྤྱི་སྒེར་གང་རུང་དུ་ལས་ཀ་བྱེད་མུས་ཡིན་ཚེ་ལས་ཡུལ་སྡེ་ཚན་ནས་དགག་ཆ་མེད་པའི་ངོས་སྦྱོར་ (No
Objection Letter) ངོ་མ་བཅས་མཉམ་འབུལ་དགོས།
གོང་གསལ་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ། ལས་བྱེད་འདེམས་ལྷན་ནས་བསྐོ་གཞག་བྱས་པའི་ཟུང་དྲུང་གནས་རིམ་ཡན་སུ་རུང་གི་དག་མཆན་ལས་དམ་(Attestation) ཞུས་ཏེ། ༢༠༡༤ ཟླ ༡༠ ཚེས་ ༡༥ འགྱངས་མེད་རང་ཉིད་ཀྱི་ཁྱིམ་གཞིས་དང། ད་ལྟའི་སྡོད་གནས་སུ་འབྲེལ་བ་གནང་བདེའི་ཁ་བྱང། ཁ་དཔར་ཨང། གློག་འཕྲིན། (E-Mail) སོགས་ཁ་གསལ་བཀོད་དེ་གཤམ་གསལ་དྲུང་ཆེའི་མཚན་བྱང་ཐོག་ཕུལ་འབྱོར་ཟིན་པ་དགོས་རྒྱུ། གོང་གསལ་དུས་བཀག་རྗེས་འཚང་སྙན་ཕུལ་འབྱོར་རིགས་རང་བཞིན་གྱིས་རྩིས་མེད་འགྲོ་རྒྱུ།
དུས་ཐོག་འབྱོར་རིགས་རྣམས་ལ་ཞིབ་འཇུག་ཚོགས་ཆུང་ནས་ཞིབ་འཇུག་དང་འབྲེལ་འོས་ཆོས་ལྡན་པ་ཚོར་དུས་ཐོག་འབོད་བརྡ་བྱ་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་མཉམ་འཁྱེར་གྱིས་འབྱོར་མཐོ་བཀོད་རྗེས་ངག་རྒྱུགས་བཞེས་རྒྱུ་བཅས་ཀྱི་གསལ་བསྒྲགས་སུ། ལས་བྱེད་འདེམས་བསྐོ་ལྷན་ཁང་ནས་ ༢༠༡༤ ཟླ་ ༩ ཚེས་ ༡ ལ།།
Secretary
Public Service Commission
Central Tibetan Administration
Gangchen Kyishong, Dharamsala-176215
Distt. Kangra(H.P)
Tel: 01892-226240
Telefax:01892-222328
E-mail:[email protected]
