༢༠༡༤ ཟླ་ ༩ ཚེས་ ༡༡ རེས་གཟའ་ཕུར་བུ།

༄༅། །འཕྲོད་བསྟེན་ལས་ཁུངས་ཀྱི་ཁྱབ་ཁོངས་སྡེ་ར་ལྡུན་མངོན་དགའ་བོད་ཕྲུག་དམིགས་བསལ་དགོས་མཁོ་ཅན་གྱི་སློབ་གྲྭར་དགེ་རྒན་གཉིས་ཀྱི་ས་སྟོང་ཡོད་ན། གཤམ་གསལ་ཆ་རྐྱེན་ཚང་ཐོག་ཞུགས་འདོད་ཡོད་ན་ཕྱི་ལོ་ ༢༠༡༤ ཟླ་ ༡༠ ཚེས་ ༡༥ དགོང་མོ་ཆུ་ཚོད་ ༥ འགྱངས་མེད་འདི་གར་འཚང་སྙན་འབུལ་དགོས།
དགོས་ངེས་ཆ་རྐྱེན་ཁག
༡༽ ཉུང་མཐར་འཛིན་རིམ་ ༡༢ ཐོན་པའི་སྟེང་།
ཀ། B.Ed (Special Education)
ཁ། ཡང་ན། Post Graduate Diploma in Special Education
ག ཡང་ན། Diploma or Certificate Course in Special Education
ང་།་ཡང་ན།་དམིགས་བསལ་སློབ་གྲྭར་ལས་མྱོང་ཡོད་པ་བཅས་གང་རུང་ཐོན་པའི་ལག་འཁྱེར་ཡོད་པ།

༢༽ དབང་པོ་སྐྱོན་ཅན་གྱི་སློབ་ཕྲུག་ཚོར་བྱམས་བརྩེའི་ངང་ཞབས་ཞུའི་སྒྲུབ་འདོད་ཡོད་པ།

༣༽ གཟུགས་གཞི་བདེ་ཐང་ལས་འཕེར་ཡིན་པའི་རང་གཞུང་གི་སྨན་པ་ཚད་ལྡན་ནས་ངོས་སྦྱོར་ངོ་མ།

༤༽ རྒྱ་གར་ནང་གནས་སྡོད་ཆོག་པའི་ཁྲིམས་མཐུན་ལག་དེབ་ཀྱི་ངོ་བཤུས།

༥༽ བོད་མིའི་དཔྱ་དངུལ་དུས་འབུལ་ཞུ་བཞིན་པའི་ལག་དེབ་ཀྱི་ངོ་བཤུས།

༦༽ རང་ལོ་ ༤༥ མ་བརྒལ་བ།

༧༽ ད་ལྟ་ལས་ཀ་བྱེད་མུས་ཡིན་ཚེ་འབྲེལ་ཡོད་ནས་དགག་བྱ་མེད་པའི་ངོས་སྦྱོར་ངོ་མ།

༨༽ རང་ལོ་ ༥ མན་གྱི་ཕྲུ་གུ་མཉམ་སྦྱར་མེད་པ།

༩༽ དམིགས་བསལ་དགོས་མཁོ་ཅན་གྱི་སློབ་སྦྱོང་ཡོད་མཁན་ལ་དམིགས་བསལ་གོ་སྐབས་གནང་རྒྱུ།

༡༠༽ གཤིས་སྤྱོད་ལག་འཁྱེར་གྱི་ངོ་བཤུས།

མཐོ་སློབ་ལག་འཁྱེར་ཡོད་མཁན་ལ་ཟླ་རེར་རྩ་ཕོགས་སྒོར་ ༨༠༠༠ དང་མེད་མཁན་ལ་རྩ་ཕོགས་སྒོར་ ༧༥༠༠ འཐོབ་རྒྱུ། གོང་གསལ་ཡིག་ཆ་ཁག་གི་ངོ་བཤུས་སྟེང་གཞུང་ཞབས་གནས་རིམ་ཟུང་འབྲེལ་དྲུང་ཆེ་ཡན་ནམ། ས་གནས་འགོ་འཛིན་ཞིག་ནས་དག་མཆན་ཞུས་ཏེ་འཚང་སྙན་མཉམ་དུ་འབུལ་དགོས་པའི་ཐོག་སྙན་ཞུའི་ནང་སོ་སོའི་ཁ་བྱང་དང་། ཁ་དཔར་ཨང་། མྱུར་འཕྲིན་དང་གློག་འཕྲིན་ཨང་ཨིའི་མེལ་སོགས་ཇི་ཡོད་ཁ་གསལ་འབུལ་དགོས་པ་བཅས་ཀྱི་གསལ་བསྒྲགས་སུ། སྡེ་ར་ལྡུན་མངོན་དགའ་བོད་ཕྲུག་དམིགས་བསལ་དགོས་མཁོ་ཅན་གྱི་སློབ་གྲྭའི་ལས་ཁང་ནས་ཕྱི་ལོ་ ༢༠༡༤ ཟླ་ ༩ ཚེས་ ༡ ལ།།

སྙན་ཞུ་འབུལ་ཡུལ།
The Director,
Ngoenga School for Tibetan Children with special needs
S.D Road,P.O Kulhan-248001
Dehradun,Uttarakhand
Email: [email protected] Phone no: 0135-2607688, 2607128