༢༠༡༤ ཟླ་ ༨ ཚེས་ ༢༦ རེས་གཟའ་མིག་དམར།
༄༅། །ཕྱི་ལོ་ ༢༠༡༤ ཟླ་ ༨ ཚེས་ ༢༦ ཉིན་ཆོས་རིག་ལས་ཁུངས་ཀྱིས་བཏང་གནས་ནང་འཁོད་དོན། ཕྱི་ལོ་ ༢༠༡༤ ཟླ་ ༨ ཚེས་ ༤ འཁོད་བཙུན་མའི་འཇང་དགུན་ཆོས་ཐེངས་ཉི་ཤུ་པའི་གསལ་བསྒྲགས་ཁུངས་འབུལ་ཞུས་པ་ཕྱག་སོན་བྱུང་བར་ངེས། འོན་ཀྱང་གྲ་སྒྲིག་གནང་མཁན་བཙུན་དགོན་བྱང་ཆུབ་ཆོས་གླིང་གིས་དཀའ་ངལ་སྙན་གསན་བྱུང་ངོར་དགུན་ཆོས་ཚུགས་དུས་ཐད་བསྒྱུར་བཅོས་མི་བྱ་ཐུབ་མེད་གྱུར་སོང་བས། ད་ཆ་དགུན་ཆོས་ཐེངས་ ༢༠ པའི་ཚོགས་དུས་དེ་ཉིད་ཕྱི་ཟླ་ ༡༡ ཚེས་ ༢༢ ནས་ཟླ་ ༡༢ ཚེས་ ༢༡ བར་མ་ཡིན་པར། སྔར་ལམ་བཞིན་ ༢༠༡༤ ཕྱི་ཟླ་ ༡༠ ཚེས་ ༡ ནས་ ༣༡ བར་ཚོགས་གཏན་འཁེལ་བ་ལགས་ན། དེ་ལུགས་ཐུགས་སྣང་གིས་རྩ་འཛིན་ལམ་སྟོན་དོན་ཚན་ ༡༠ པ་ནང་གསལ་ལྟར་བཙུན་དགོན་སོ་སོའི་ཆོས་ཞུགས་བཙུན་མའི་མཚན་ཐོ་དང་ཚོགས་ཡུལ་ས་གནས་སུ་འབྱོར་ཚེས་བཅས་པ་གསལ་འཁོད་ཕྱག་བྲིས་ཤིག་དགུན་ཆོས་གོ་སྒྲིག་པ་མོན་གྷོ་བཙུན་དགོན་བྱང་ཆུབ་ཆོས་གླིང་དུ་ ༢༠༡༤ ཟླ་ ༩ ཚེས་ ༡༥ འགྱངས་མེད་ངེས་འབུལ་དགོས་ཤིང་། དེའི་ངོ་བཤུས་རེ་ཆོས་རིག་ལས་ཁུངས་དང་བཙུན་མའི་ལས་འཆར་གཉིས་ལ་འབུལ་གནང་ཡོང་བ་དང་། ཆོས་ཞུགས་བཙུན་མ་རྣམས་ཕྱི་ཟླ་ ༩ ཚེས་ ༣༠ ཉིན་མོན་གྷོ་ས་གནས་སུ་ངེས་འབྱོར་དགོས་པ་དགོངས་འཇགས་ཞུ།
