༢༠༡༤ ཟླ་ ༨ ཚེས་ ༡༣ རེས་གཟའ་ལྷག་པ།

༄༅། །ཕྱི་ལོ་ ༢༠༡༤ ཟླ་ ༨ ཚེས་ ༡༣ ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་ལས་ཁུངས་ནས་གོ་སྒྲིག་འོག་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་ (Social Media) སྤྱི་ཚོགས་དྲ་རྒྱ་ཇི་ལྟར་བེད་སྤྱོད་གཏོང་སྟངས་སྐོར་ལ་ཟབ་སྦྱོང་ཞིག་འགོ་འཛུགས་གནང་སོང།
དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ པའི་ཐོག་ཕྱི་དྲིལ་ལས་ཁུངས་ཀྱི་གསར་འགྱུར་སྡེ་ཚན་ཁག་གི་སྲི་ཞུ་བ་གཙོ་བོ་གྱུར་བའི་ལྷན་ཁང་ཁག་གི་འབྲེལ་ཡོད་སྲི་ཞུ་བ་བཅས་ཁྱོན་མི་གྲངས་ ༢༥ བརྒལ་བ་ལྷན་འཛོམས་ཀྱི་ཐོག་མར་ཟབ་སྦྱོང་བ་རྣམས་ནས་རང་ཉིད་ངོ་སྤྲོད་སྙིང་བསྡུས་རེ་གནང་གྲུབ་མཚམས་ལྡི་ལི་ནས་ཕེབས་པའི་ཟབ་ཁྲིད་བ་ (Saurabh Parmar) ལགས་སོགས་ཀྱིས་ཟབ་ཁྲིད་དབུ་འཛུགས་གནང་།
ཟབ་སྦྱོང་འདི་བཞིན་ཕྱི་ཚེས་ ༡༣ ཉིན་འགོ་འཛུགས་ཀྱིས་ཕྱི་ཚེས་ ༡༤ དང་། དེ་བཞིན་ཕྱི་ཚེས་ ༡༨།༡༩ བཅས་ཁྱོན་ཉིན་གྲངས་བཞིའི་རིང་གནང་རྒྱུ་ཡིན་འདུག་པ་མ་ཟད། ཟབ་སྦྱོང་གི་དམིགས་ཡུལ་ནི། ཡུ་ཊུབ་ (YouTube) དང་ (Twitter) ཊུ་ཝི་ཊར། (Facebook) ངོ་དེབ་སོགས་སྔར་ལྷག་བེད་སྤྱོད་ཇི་ལྟར་གཏོང་སྟངས་སྐོར་ལ་ཡིན་འདུག་པ་བཅས། །