༢༠༡༤ ཟླ་ ༧ ཚེས་ ༢༤ རེས་གཟའ་ཕུར་བུ།

༄༅། །ཕྱི་ལོ་ ༢༠༡༤ ཟླ་ ༤ ཚེས་ ༡༦ དང་ཟླ་ ༦ ཚེས་ ༡༦ འཁོད་བཀའ་ཤག་གིས་རྩ་འཛིན་བཀོད་ཁྱབ་ལམ་ནས་བཙན་བྱོལ་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ཆེད་སྡེ་ཚན་འགན་འཛིན་གྱི་ས་མིག་དྲུག་གསར་གཏོད་གནང་བ་ཁ་སྐོང་ཆེད་གསར་འདེམས་བསྐོ་གཞག་གནང་རྒྱུ་ཡིན་ན། གཤམ་གསལ་ས་མིག་སོ་སོའི་ཆ་རྐྱེན་ཚང་ཞིང་དོན་དམ་སྲི་ཞུའི་ལས་བྱེད་དུ་ཞུགས་ཏེ་ཉུང་མཐར་ལོ་ལྔའི་རིང་མུ་མཐུད་ཞབས་འདེགས་ཞུ་རྒྱུར་ཁས་ལེན་ཐུབ་རིགས་ནས་གཤམ་གསལ་ཁ་བྱང་ཐོག་འཚང་སྙན་འབུལ་འཐུས། ལས་བྱའི་སྡེ་ཚན་ཁོངས་ཤེས་ལས་ཆེད་སྡེ་ཚན་འགན་འཛིན་གནས་རིམ་དུ་ས་སྟོང་ ༦ ཡོད་པའི་དགོས་མཁོའི་ཆ་རྐྱེན།

ཀ༽ སྤྱི་ཡོངས་དགོས་མཁོའི་ཆ་རྐྱེན།
༡༽ གནས་རིམ། སྡེ་ཚན་འགན་འཛིན།
༢༽ ཤེས་ཚད། ཉུང་མཐར་མཐོ་སློབ་ཐོན་པའི་ལག་འཁྱེར་ཚད་ལྡན་ཡོད་པ།
༣༽ ལོ་ཚད། ༢༠༡༤།༠༩།༡༥ ཉིན་རང་ལོ་ ༢༡ ལས་མི་ཉུང་ཞིང་ ༣༥ ལས་མ་བརྒལ་བ་དགོས།
༤༽ རྒྱུགས་གཞི། བོད་ཡིག་དང་། ཨིན་ཡིག ཆབ་སྲིད། རྩིས་ཡིག་བཅས་སློབ་ཚན་བཞིའི་ ཐོག་འབྲི་རྒྱུགས་དང་། བོད་ཡིག ཨིན་སྐད། ཆབ་སྲིད་བཅས་གསུམ་ཐོག་ངག་ རྒྱུགས་ལེན་རྒྱུ།

ཁ༽ གོང་གསལ་ས་མིག ༦ རྣམས་གཤམ་གསལ་སྡེ་ཚན་སོ་སོར་དམིགས་བསལ་ཆ་རྐྱེན་དགོས་མཁོ་གཤམ་གསལ།

༡༽ ཚན་རིག་སློབ་དེབ་རྩོམ་སྒྲིག་པ་ ༡ དགོས་པའི་ཆ་རྐྱེན་གཤམ་གསལ།

༡༽ ངོས་འཛིན་ཡོད་པའི་མཐོ་སློབ་ནས་ཉུང་མཐར་ B.Sc/BCA སློབ་ཐོན་ལག་འཁྱེར་ཡོད་པ།
༢༽ བོད་ཨིན་གཉིས་ཀྱི་ཤེས་ཚད་རང་རྐྱ་འཕེར་བ།
༣༽ རྩོམ་སྒྱུར་གྱི་ཉམས་མྱོང་ཡོད་པ།
༤༽ ཀམ་སྤུ་ཊར་ཤེས་ཚད་གང་ལེགས་ཡོད་པ།
༥༽ དེབ་གཟུགས་ཇུས་འགོད་དང་རྩོམ་སྒྲིག་གི་ཉམས་མྱོང་ཡོད་པ།

༢༽ སྤྱི་ཚོགས་ཚན་རིག་སློབ་དེབ་རྩོམ་སྒྲིག་པ་ ༡ དགོས་པའི་ཆ་རྐྱེན་གཤམ་གསལ།

༡༽ ངོས་འཛིན་ཡོད་པའི་མཐོ་སློབ་ནས་ཉུང་མཐར་ BA སློབ་ཐོན་ལག་འཁྱེར་ཡོད་པ།
༢༽ བོད་ཨིན་གཉིས་ཀྱི་ཤེས་ཚད་རང་རྐྱ་འཕེར་བ།
༣༽ རྩོམ་སྒྱུར་གྱི་ཉམས་མྱོང་ཡོད་པ།
༤༽ ཀམ་སྤུ་ཊར་ཤེས་ཚད་གང་ལེགས་ཡོད་པ།
༥༽ དེབ་གཟུགས་ཇུས་འགོད་དང་རྩོམ་སྒྲིག་གི་ཉམས་མྱོང་ཡོད་པ།

༣༽ ཨང་རྩིས་སློབ་དེབ་རྩོམ་སྒྲིག་པ་ ༡ དགོས་པའི་ཆ་རྐྱེན་གཤམ་གསལ།

༡༽ ངོས་འཛིན་ཡོད་པའི་མཐོ་སློབ་ནས་ཉུང་མཐར་ B.Sc/B.Com སློབ་ཐོན་ལག་འཁྱེར་ཡོད་པ།
༢༽ བོད་ཨིན་གཉིས་ཀྱི་ཤེས་ཚད་རང་རྐྱ་འཕེར་བ།
༣༽ རྩོམ་སྒྱུར་གྱི་ཉམས་མྱོང་ཡོད་པ།
༤༽ ཀམ་སྤུ་ཊར་ཤེས་ཚད་གང་ལེགས་ཡོད་པ།
༥༽ དེབ་གཟུགས་ཇུས་འགོད་དང་རྩོམ་སྒྲིག་གི་ཉམས་མྱོང་ཡོད་པ།

༤༽ བརྡ་ཆད་གཏན་འབེབས་ཚན་པ་ ༣ དགོས་པའི་ཆ་རྐྱེན་གཤམ་གསལ།

༡༽ དམའ་མཐར་ཉེ་བའི་གཙུག་ལག་རབ་འབྱམས་པ་ BA སློབ་ཐོན་ནམ། དེ་དང་ཚད་མཉམ་པའི་ལག་འཁྱེར་ཡོད་པ།
༢༽ བོད་ཡིག་དང་ཨིན་ཡིག་རང་རྐྱ་འཕེར་ངེས་ཐོག་ཧིན་དི་དང་རྒྱ་སྐད་གང་རུང་ཅུང་ཟད་ཤེས་པ།
༣༽ དེ་སྔ་ཚིག་མཛོད་རྩོམ་སྒྲིག་དང་། ཐ་སྙད་གསར་བཟོ། སྐད་ཡིག་གཞན་ནས་བོད་སྐད་དུ་ཕབ་སྒྱུར་གྱི་ཉམས་མྱོང་ཡོད་ རིགས་ལ་དམིགས་བསལ་ཡོད།

གོང་གསལ་གནས་རིམ་ཆེད་ཆ་རྐྱེན་ལྡན་རིགས་ནས་སྙན་ཞུའི་འགེངས་ཤོག་འདི་ག་ལས་བྱེད་འདེམས་བསྐོ་ལྷན་ཁང་དང་། ས་གནས་འགོ་འཛིན་ལས་ཁང་། གཞུང་འབྲེལ་དྲ་རྒྱ་ (www.tibet.net or 154.35.136.131) གང་རུང་ནས་ཞུ་བཏོན་བྱས་ཏེ་འཚང་སྙན་འགེངས་ཤོག་འཚེམས་ལུས་མེད་པ་བཀང་སྟེ་གཤམ་གསལ་ཡིག་ཆ་མཉམ་འབུལ་དགོས།

(༡) རང་ཉིད་ཀྱི་ད་ལྟའི་ཕྱེད་དཔར་ཚོན་ལྡན་གཉིས་རེ་དང་།

(༢) མཐའ་མའི་ཤེས་ཚད་ཨང་ཤོག་དང་། ལག་འཁྱེར་(Marksheet & Degree Certificate) ངོ་བཤུས།

(༣) འབུལ་འབབ་གཙང་འབུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་གྲངས་དང་པོ་དང་། གཉིས་པ། མཐའ་མ་བཅས་ཀྱི་ངོ་བཤུས།

(༤) གནས་ཡུལ་རྒྱལ་ཁབ་ཏུ་ཁྲིམས་མཐུན་གནས་སྡོད་ཆོག་པའི་ལག་འཁྱེར་(R.C)ཤོག་ གྲངས་དང་པོ་དང་། དུས་འགྱངས་ཞུས་པའི་མཐའ་མའི་ངོ་བཤུས།

(༥) བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང་། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ཁ་གསར་སྟེང་རང་ཉིད་ཀྱི་འདྲ་དཔར་མཉམ་སྦྱར་ཐོག་སྨན་པའི་ལས་དམ་དང་ས་རྟགས་འཁོད་པ་(MC)ངོ་མ། (རྡ་ས་བདེ་ལེགས་སྨན་ཁང་གི་ངོས་སྦྱོར་ཡིན་ན་སྨན་པ་ས་འདུ་ཚེ་བརྟན་རྡོ་རྗེའི་མཚན་རྟགས་ཞུ་དགོས།)

(༦)སྐྱེས་ཚེས་ལག་འཁྱེར་ཡོད་ན་དང་། དེ་མིན་ཁུངས་སྐྱེལ་ཆེད་འཛིན་རིམ་ ༡༠ པའི་ལག་འཁྱེར་གང་རུང་གི་ངོ་བཤུས།

(༧)རང་ཉིད་གཏན་སྡོད་བྱ་ཡུལ་ས་གནས་འགོ་འཛིན་ནས་བྱ་སྦྱོད་ཐལ་སྐྱོན་མེད་པའི་ངོས་སྦྱོར།(Character Certificate)

(༨)ལས་བྱེད་ཁོངས་ཚུད་ན་ཉུང་མཐར་ལོ་ ༥ ཞབས་ཞུ་གནང་རྒྱུའི་གན་ཡིག (རྗེས་སུ་འབུལ་ན་འཐུས་རྒྱུ།)

(༩)གལ་སྲིད་ད་ལྟ་སྤྱི་སྒེར་སྡེ་ཚན་གང་རུང་ནང་ལས་ཀ་བྱེད་མུས་ཡིན་ཚེ་སྡེ་ཚན་དེའི་འགན་འཛིན་ནས་དགག་ཆ་མེད་པའི་ངོས་སྦྱོར་བཅས་ ༢༠༡༤ ཕྱི་ཟླ་ ༩ ཚེས་ ༡༥ འགྱངས་མེད་རང་ཉིད་ཀྱི་ཁྱིམ་གཞིས་དང་སླད་འབྲེལ་བ་གནང་བདེའི་ཁ་བྱང་དང་། ཁ་དཔར་ཨང་། གློག་འཕྲིན།(E-Mail)ཁ་བྱང་སོགས་ཁ་གསལ་བཀོད་དེ་གཤམ་གསལ་མཚན་བྱང་ཐོག་འབུལ་འབྱོར་ཟིན་པ་དགོས་རྒྱུ།

གོང་གསལ་དུས་བཀག་རྗེས་འཚང་སྙན་ནམ་གོང་འཁོད་ཡིག་ཆ་འབུལ་འབྱོར་བྱུང་རིགས་རང་བཞིན་གྱིས་རྩིས་མེད་གཏོང་རྒྱུ་དང་། འཚང་སྙན་དུས་ཐོག་འབྱོར་རིགས་རྣམས་ལ་ཞིབ་འཇུག་ཚོགས་ཆུང་ནས་ཞིབ་འཇུག་དང་འབྲེལ་འོས་ཆོས་ལྡན་པ་ཚོར་དུས་ཐོག་ཡིག་རྒྱུགས་གཏོང་ཆེད་འབོད་བརྡ་ཡོང་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་འབྱོར་ཐོ་འགོད་བཅར་དགོས་པ་བཅས་ཀྱི་གསལ་བསྒྲགས་སུ། ལས་བྱེད་འདེམས་བསྐོ་ལྷན་ཁང་ནས་ ༢༠༡༤ ཟླ་ ༧ ཚེས་ ༢༤ ལ།།

Secretary
Public Service Commission
Central Tibetan Administration
Gangchen Kyishong, Dharamsala-176215
Distt.Kangra, (H.P)

Tel: 01892-226240
Telefax: 01892-222328
E-mail: [email protected]