༢༠༡༤ ཟླ་ ༧ ཚེས་ ༣ རེས་གཟའ་ཕུར་བུ།
༄༅། །རིང་མིན་ལ་དྭགས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དཔལ་དུས་ཀྱི་འཁོར་ལོའི་བཀའ་དབང་བསྩལ་རྒྱུའི་སྐབས་༸སྐུའི་འཁྲུངས་སྐར་ཡང་འཁེལ་གྱི་ཡོད་སྟབས། ལ་དྭགས་སུ་འདི་ལོའི་༸སྐུའི་འཁྲུངས་སྐར་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཀྱིས་སྲུང་བརྩི་ཞུ་རྒྱུ་ཡིན་འདུག་པ་ལྟར། དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཆོག་མཛད་སྒོར་གཞུང་འབྲེལ་མཉམ་ཞུགས་སླད་ཕེབས་བཅར་གནང་རྒྱུ་ཐུགས་གཏན་འཁེལ་འདུག་པས། འདི་ཟླའི་ཚེས་ ༤ ཉིན་གྱི་སྔ་དྲོ་ཐོ་རངས་རྡ་ས་ནས་ཕེབས་ཐོན་གནང་སྟེ་ཇ་མུའི་གནམ་ཐང་བརྒྱུད་ལ་དྭགས་སུ་ཕེབས་ཐོན་གནང་རྒྱུ། དེ་རྗེས་ཕྱི་ཚེས་ ༧ ཉིན་ལ་དྭགས་ནས་སྔ་དྲོ་ཕེབས་ཐོན་གནང་སྟེ་ཇ་མུ་བརྒྱུད་རྡ་སར་ཕེབས་འབྱོར་གནང་རྒྱུ་བཅས།།
