ཕྱི་ལོ་ ༢༠༡༤ ཟླ་ ༧ ཚེས་ ༡ རེས་གཟའ་མིག་དམར།
༄༅། །འདི་གར་སྤོན་ཊ་ཆོལ་གསུམ་ས་གནས་འགོ་འཛིན་ལས་ཁང་ནས་བཏང་གནས་ནང་གསལ། སྤོན་ཊ་ཆོལ་གསུམ་གཞིས་མི་རྣམས་ནས་ས་ག་ཟླ་བའི་ཚེས་ ༡༠ ནས་ ༡༥ བར་མི་མང་ཚོགས་ཁང་ནང་དུ་༸གོང་ས་མཆོག་གི་སྐུ་ཕྱྭདང་། བོད་བསྟན་སྲིད་སླད་གཤམ་གསལ་ཞབས་རིམ་ཁག་གསོག་སྒྲུབ་ཞུས་པ་དང་། དེ་བཞིན་ས་གནས་རང་བདེན་ཚོགས་ཆུང་དང་། བཟོ་ཚོགས་འགན་འཐུས། ས་གནས་འགོ་འཛིན་ལས་ཁུངས་བཅས་ཐུན་མོང་ཐོག་ས་ག་ཟླ་བའི་ཚེས་ ༡༥ ཉིན་ཉ་དང་སྤྲེའུ་ལ་ཟས་སྦྱིན་གཏོང་ཆེད་འདི་ག་མང་ཚོགས་སར་ནས་བློ་བཅད་ཞལ་འདེབས་བསྡུ་རུབ་ཀྱིས་ཧིན་སྒོར་ ༡༧༥༨༠།༠༠ བྱུང་བར་རེ་ནུ་ཀ་ཞེས་རང་བྱུང་མཚོ་ཆེན་ཞིག་ཡོད་པ་དེར་ཉ་ལ་ཟས་དང་། ལམ་དུ་སྤྲེའུ་རྣམས་ལ་ཤིང་ཏོག་ངང་ལག་དང་། ཟས་སྦྱིན་བཏང་ཡོད།
དེ་ཡང་ཞབས་རིམ་གྱི་སྒྲུབ་ཐོ་ཁག་གཤམ་གསལ།
ཨང་། ཞབས་རིམ། གྲངས།
༡༽ མ་ཎི་ཡིག་དྲུག ༡༥༠༠༠༠༠
༢༽ གུ་རུའི་མཚན་སྔགས། ༣༠༠༠༠༠
༣༽ སྒྲོལ་མ་ཉེར་གཅིག ༢༣༡
༤༽ ༸རྒྱལ་བའི་མཚན་སྔགས། ༢༥༠༠
༥༽ འཕགས་བསྟོད། ༢༤༠
༦༽ པཎ་གྲུབ་བཅུ་བདུན། ༢༨༥
༧༽ བཟང་སྤྱོད་སྨོན་ལམ། ༧༥
༨༽ བདེན་ཚིག་སྨོན་ལམ། ༡༡༡༠
༩༽ ཐུབ་བསྟན་རིས་མེད་རྒྱལ་བའི་སྨོན་ལམ། ༡༧༠
༡༠༽ བར་ཆད་ལམ་སེལ། ༢༧༠
༡༡༽ ཐུབ་པའི་གཟུངས་སྔགས། ༥༥༠༠༠༠
༡༢༽ བདེན་པའི་རྔ་སྒྲ། ༤༥༠
༡༣༽ ༸རྒྱལ་བའི་ཞབས་བརྟན། ༤༠༠
༡༤༽ ཐུགས་དམ་གནད་སྐུལ། ༢༠༤༠
༡༥༽ བསམ་པ་ལྷུན་གྲུབ། ༢༡༠
༡༦༽ རྩ་གསུམ་ཀུན་བསྡུས། ༢༡༠
