༢༠༡༤ ཟླ་ ༦ ཚེས་ ༣༠ རེས་གཟའ་ཟླ་བ།

༄༅། །དབུས་བོད་སློབ་འཛིན་ཚོགས་ཁྱབ་ཁོངས་སིམ་ལ་གཏན་སློབ་ཏུ་བུའི་ཉལ་ཁང་དོ་དམ་པའི་ས་མིག་གཅིག་དང་ཌལ་ཧོར་གཏན་སློབ་ཏུ་བུ་མོའི་ཉལ་ཁང་དོ་དམ་པའི་ས་མིག་གཅིག་སྟོང་པ་ཡོད་པར་ཆོད་གན་ཐོག་ལས་གནས་སུ་ཞུགས་བློ་ཡོད་རིགས་ནས་ཕྱི་ལོ་ ༢༠༡༤ ཟླ་ ༧ ཚེས་ ༣༡ འགྱངས་མེད་གཤམ་གསལ་ཁ་བྱང་ཐོགདགོས་ངེས་ཡིག་ཆ་ཁག་དང་བཅས་ཞུ་སྙན་འབུལ་དགོས།

དགོས་ངེས་ཆ་རྐྱེན།

༡། འཛིན་རིམ་བཅུ་གཉིས་སློབ་ཐོན་པའི་ལག་འཁྱེར།
༢། རང་ལོ་ ༤༥ མ་འགལ་བ་ཡིན་པ།
༣། གནས་ཡུལ་རྒྱལ་ཁབ་ཏུ་ཁྲིམས་མཐུན་གནས་སྡོད་ཆོག་པའི་ལག་འཁྱེར། R.C. ཤོག་གྲངས་དང་པོ་དང་མཐའ་མ།
༤། གཟུགས་ཐང་ལས་འཕེར་ཡིན་པའི་སྨན་པའི་ངོས་སྦྱོར་ངོ་མ།
༥། འབུལ་འབབ་གཙང་འབུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་གྲངས་དང་པོ་དང་མཐའ་མའི་ངོ་བཤུས།

གསོལ་ཕོགས།

ཟླ་རེར་གསོལ་ཕོགས་ཧིན་སྒོར་ ༩༣༠༠ ཐོབ་རྒྱུ།

གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་སྟེང་དབུས་བོད་མིའི་སྒྲིག་འཛུགས་ཀྱི་འགན་འཛིན་ལས་བྱེད་ཟུང་དྲུང་ཡན་ནམ་ས་གནས་འགོ་འཛིན། ཡང་ན་བོད་མིའི་སློབ་གྲྭ་གང་རུང་གི་སློབ་སྤྱི་བཅས་སུ་རུང་ནས་ངོ་བཤུས་ཡིག་ཆ་ཁག་ངོ་བཤུས་འཁྲུལ་མེད་ཡིན་པའི་དག་མཆན་མཚན་རྟགས་ངེས་ཞུ་དགོས་པ་བཅས་ཀྱི་གསལ་བསྒྲགས་སུ། ཤེས་རིག་ལས་ཁུངས་ནས། ཕྱི་ལོ་ ༢༠༡༤ ཟླ་ ༦ ཚེས་ ༣༠ ལ།

Secretary
Department of Education
Central Tibetan Administration
Gangchen Kyishong
Dharamsaal – 176215
Distt. Kangra, H.P. INDIA