༢༠༡༤ ཟླ་ ༦ ཚེས་ ༩ རེས་གཟའ་ཟླ་བ།
༄༅། །ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༤ ཟླ་ ༦ ཚེས་ ༩ ཉིན་བཏང་གནས་ནང་འཁོད་དོན།
ལ་དྭགས་བོད་མིའི་ས་གནས་ཁྲིམས་ཞིབ་ཁང་གི་ས་གནས་ཁྲིམས་ཞིབ་པ་བསྟན་འཛིན་འཁྱེན་རབ་ལགས་ཀྱིས། ཕྱི་ལོ་ ༢༠༡༤ ཟླ་ ༥ ཚེས་ ༡༩ ནས་ཚེས་ ༢༣ བར་ལ་དྭགས་བསོད་ནམས་གླིང་གཞིས་གྲོང་ ༡ ནས་གཞིས་གྲོང་ ༡༢ བར་ཁྲིམས་ལུགས་གོ་རྟོགས་སྤེལ་ཡོད།
དེ་ཡང་ས་གནས་སུ་ལས་རིམ་འཆར་སྒྲིག་ལྟར། ས་གནས་ཁྲིམས་ཞིབ་པས་ཕྱི་ལོ་ ༢༠༡༤ ཟླ་ ༥ ཚེས་ ༡༩ ཉིན་བརྒྱ་ཤོག་དང་པོ། གཉིས་པ། ཚེས་ ༢༠ ཉིན་བརྒྱ་ཤོག་གསུམ་པ་དང་བཅུ་གཅིག བཅུ་གསུམ། ཚེས་ ༢༡ ཉིན་བརྒྱ་ཤོག་བཞི་པ་དང་ལྔ་པ། བཅུ་པ། ཚེས་ ༢༢ ཉིན་བརྒྱ་ཤོག་དྲུག་པ་དང་བདུན་པ། ཚེས ༢༣ ཉིན་བརྒྱ་ཤོག་བརྒྱད་པ་དང་དགུ་པ་བཅས་སོ་སོར་ཁྱོན་བསྡོམས་སེར་སྐྱ་མི་མང་ ༦༡༥ ལ་བཙན་བྱོལ་བོད་མིའི་ཁྲིམས་ལུགས་དབང་འཛིན་ངོ་སྤྲོད་དང་། ཁྲིམས་ཞིབ་ཁང་རིམ་པའི་ཁྲིམས་ཁོངས་ཁྱབ་ཚད། གོང་ཞུའི་ཁྲིམས་ཁོངས། ཞུ་སྦྱོར་ཡིག་ཆ་དང་དེབ་འགོད་བྱ་ཚུལ། གཞི་རྩའི་ཐོབ་ཐང་ལག་བསྟར་ཡོང་བའི་བདེ་སྙན། གཞིས་ཆགས་ནང་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོད་པ་ཇི་ཡོད་ངོ་སྤྲོད། ཟུར་བཙུགས་བོད་མིའི་ས་གནས་ཁྲིམས་ཞིབ་ཁང་གི་འཕྲལ་སེལ་ཁ་མཆུ་ཞུ་གཏུག་བྱ་ཡུལ་བཅས་ཀྱི་སྐོར་དང་བཙན་བྱོལ་བོད་མིའི་བཅའ་ཁྲིམས་དང། ཆེས་མཐོའི་ཁྲིམས་ཞིབ་ཁང་གི་ཁྲིམས་ཡིག་གི་དགོངས་དོན་གཞིར་བཟུང་དཔེ་རིས་དང་སྦྱར་ནས་ངོ་སྤྲོད་གསུང་བཤད་དང་། དྲི་བ་ཁག་ལ་ལན་འདེབས་གནང་ཡོད།
ལ་དྭགས་བོད་མིའི་ས་གནས་ཁྲིམས་ཞིབ་པས་ཁྲིམས་ལུགས་གོ་རྟོགས་སྤེལ་བ།
གསར་གནས།
འབྲེལ་གནས།
