༢༠༡༤ ཟླ་ ༥ ཚེས་ ༧ རེས་གཟའ་ལྷག་པ།

༄༅། །ཕྱི་ལོ་ ༢༠༡༤ ཟླ་ ༥ ཚེས་ ༦ ཉིན་འདི་གར་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ནས་བཏང་གནས་ནང་འཁོད་དོན། རྒྱ་གར་བྱང་ཤར་ཁུལ་ནས་བོད་མི་ཆིག་སྟོང་ཁེ་ན་ཌར་གཞིས་སྤོས་ལས་གཞི་དང་འབྲེལ་བའི་ཁོངས་མེའོ་ཆོས་འཕེལ་གླིང་བོད་མིའི་གཞིས་ཁོངས་ནས་ཁེ་ན་ཌར་བསྐྱོད་ཐེངས་བརྒྱད་པའི་ཁོངས་མི་གྲངས་ ༩ ཡོད་པ་རྣམས་ལ་ཕྱི་ཚེས་ ༥ ཉིན་གྱི་སྔ་དྲོར་ཁེ་ན་ཌར་མ་ཐོན་གོང་ཕྱི་ཚེས་ ༤ ཉིན་ལྡི་ལི་སྐུ་ཚབ་དོན་གཅོད་མཆོག་གིས་ཁོང་རྣམ་པར་འཚམས་འདྲི་དང་ལམ་སྟོན་གནང་ཡོད། བོད་མི་དགུ་པོ་རྣམས་ཁེ་ན་ཌ་ཁལ་གྷ་རི་ Calgary དང་ཨོ་ཊ་ཝར་ Ottawa བསྐྱོད་ཡོད།
ཁེ་ན་ཌར་གཞིས་སྤོས་བསྐྱོད་ཐེངས་དང་པོའི་ཁོངས་མི་གྲངས་ ༢༠༤ ཡོད་པ་རྣམས་ལ་ཨ་སམ་ཏིན་སུ་ཀིར་ (Tinsukia,Assam) ཕྱི་ལོ་ ༢༠༡༣ ཟླ་ ༥ ནང་ལྡི་ལིར་རྟེན་གཞི་བྱས་པའི་ཁེ་ན་ཌའི་གཞུང་ཚབ་ལས་ཁུངས་ (Canadian High commission) ཀྱིས་རྒྱུགས་བཞེས་དང་། གཟུགས་བབས་བརྟག་དཔྱད་བྱས་ཡོད།

མི་གྲངས་དགུ་པོ་དེ་དག་ཁེ་ན་ཌར་འབྱོར་སྐབས་ The Project Tibet Society (PTS) སྣེ་ལེན་དང་། གནས་སྐབས་རིང་གནས་ཡུལ་དང་། ལས་ཀ་སོགས་ཀྱི་མཐུན་འགྱུར་རོགས་རམ་གནང་རྒྱུ་ཡིན། ཕྱི་ལོ་ ༢༠༡༦ ཕྱི་ཟླ་ ༦ ནང་ཚུན་རྒྱ་གར་བྱང་ཤར་ཁུལ་ནས་བོད་མི་ཆིག་སྟོང་ཁེ་ན་ཌར་གཞིས་སྤོས་ལས་གཞིའི་ཁོངས་ད་བར་མི་གྲངས་ ༡༣༤ ཁེ་ན་ཌ་ཁུལ་གྱི་ཀལ་གྷ་རི་ Calgary དང་། ཨོ་ཊ་ཝ། Ottawa ཊོ་རོན་ཊོ། Toronto བྷི་རི་ཊི་ཤི་ཀོ་ལམ་བྷི་ཡ་ British Columbia བཅས་སུ་དངོས་སུ་འབྱོར་ཟིན་ཡོད།