༢༠༡༤ ཟླ་ ༤ ཚེས་ ༤ རེས་གཟའ་པ་སངས།

༄༅། །ཕྱི་ལོ་ ༢༠༡༤ ཟླ་ ༤ ཚེས་ ༣ ཉིན་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ཀི་རི་ཤི་ནཱ་མེ་ནོན་ཚོགས་ཁང་ Krishna Menon Bhawan ནང་རྒྱ་གར་གྱི་ཆིག་སྒྲིལ་ཚོགས་པ་དང་Indian Solidarity Council རྒྱལ་སྤྱིའི་ཚོང་དོན་ལྷན་ཁང་། International Business Council གཉིས་ཀྱིས་གོ་སྒྲིག་འོག་ཤེས་ཡོན་དང་སྤྱི་ཚོགས། དེ་བཞིན་དཔལ་འབྱོར་Education and Socio-Economic Development སོགས་ཀྱི་ཡར་རྒྱས་གཏོང་ཕྱོགས་སྐོར་ལ་ལྷན་ཚོགས་ཤིག་ཚོགས་ཡོད། སྐབས་དེར་བོད་མིའི་སྤྱི་མཐུན་མཉམ་འབྲེལ་གྱི་སྤྱི་ཁྱབ་འགན་འཛིན་བཀྲ་ཤིས་དབང་འདུས་ལགས་སུ་བོད་མིའི་སྤྱི་མཐུན་མཉམ་འབྲེལ་གྱི་འཛུགས་སྐྲུན་ཡར་རྒྱས་དང་གསར་གཏོད་ཀྱི་ལས་གཞིའི་ཐོག་གཟེངས་སུ་ཐོན་པའི་གྲུབ་འབྲས་ལ་ངོས་འཛིན་གྱིས་རཱ་ཇིབ་གཱན་དྷིའི་ Rajiv Gandhi Excellence Award ཕུལ་བྱུང་གི་གཟེངས་རྟགས་གནང་ཡོད།
དེ་ཡང་གཟེངས་རྟགས་གནང་མཁན་རྒྱ་གར་གྱི་འོས་བསྡུའི་ལས་ཁང་གི་འགན་འཛིན་ཟུར་པ་སྐུ་ཞབས་ཇི་ཝི་ཇི་ཀི་རི་ཤི་ན་མུར་ཏི་ Dr. G.V.G. Krishnamurthyམཆོག་ཡིན་འདུག སྐབས་དེར་གཟེངས་རྟགས་ཐོབ་མཁན་ཁོངས་སུ་དེ་སྔའི་རྒྱ་གར་གྱི་བློན་ཆེན་སྐུ་ཞབས་བྷི་ཤི་མ་ནཱ་རེན་སིངྒ་མཆོག  Dr. Bhishma Narain Singh དེ་སྔའི་མངའ་སྡེའི་སྲིད་སྐྱོང་དང་ཁྲིམས་ཞིབ་པ་སྐུ་ཞབས་ཨོ་པི་ཝར་མ་ O.P. Verma མཆོག་བཅས་ཡིན་འདུག
བཀྲ་ཤིས་དབང་འདུས་ལགས་ཀྱིས་ཕྱི་ལོ་ ༢༠༡༡ ཟླ་ ༡༢ པའི་ནང་བོད་མིའི་སྤྱི་མཐུན་མཉམ་འབྲེལ་གྱི་སྤྱི་ཁྱབ་འགན་འཛིན་གྱི་ལས་འཁུར་ཞུས་ཡོད་པ་བཅས།།