༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་དང་ཝ་རཱ་ཎ་སི་དབུས་བོད་ཀྱི་གཙུག་ལག་སློབ་གཉེར་ཁང་གཉིས་ནས་ཟུང་སྦྲེལ་ཐོག་ཕྱི་ལོ་ ༢༠༡༤ ལོའི་ཕྱི་ཟླ་བདུན་པའི་ཟླ་མཇུག་ཏུ་བྷུན་ཏར་དགེ་འོས་མཐོ་སློབ་ཁང་དུ་ཉུང་མཐར་ཉེ་བའི་གཙུག་ལག་རབ་འབྱམས་ (B. Sc./B.A./B.Com./Shastri) སློབ་ཐོན་སློབ་མ་གྲངས་ ༢༥ ལ་ལོ་གཅིག་གི་འབྲིང་རིམ་དགེ་རྒན་འོས་སྦྱོང་ (B. Ed) གོ་སྒྲིག་ཞུ་གཏན་འཁེལ་བ་བཞིན་གཤམ་གསལ་ཆ་རྐྱེན་ཚང་རིགས་ནས་ཕྱི་ལོ་ ༢༠༡༤ ཟླ་ ༦ ཚེས་ ༡༥ འགྱངས་མེད་ཞུ་སྙན་འབུལ་དགོས།
ཀ༽ དགོས་ངེས་ཆ་རྐྱེན།
༡་ ཉུང་མཐར་ཉེ་བའི་གཙུག་ལག་རབ་འབྱམས་པ། B. Sc./B.A./B.Com./Shastri ཕྱོགས་བསྡོམས་བརྒྱ་ཆ་ ༥༠ ལོན་ དགོས། འོན་ཀྱང་ཉེ་བའི་གཙུག་ལག་རབ་འབྱམས་པའི་སྐབས་བོད་པའི་སློབ་གྲྭའི་ནང་གི་བསླབ་གཞིའི་སློབ་ཚན་གཉིས་ངེས་པར་ཐོན་དགོས་པ་ཡིན།
༢་ འཛིན་རིམ་བཅུ་པ་དང་། འཛིན་རིམ་བཅུ་གཉིས་ཀྱི་ལག་འཁྱེར་ངོ་བཤུས། ༼འཛིན་རིམ་ ༡༢ སྐབས་བོད་ཡིག་སློབ་ཚན་ངེས་པར་ཐོན་དགོས།༽
༣་ ཞབས་སྟེགས་ ༢༥ ཡོད་ཁོངས་ནས་ཚན་རིག་སྡེ་ཚན་ནང་ཞབས་སྟེགས་གྲངས་ ༡༠ དང་། སྒྱུ་རྩལ་སྡེ་ཚན་ནང་ཞབས་སྟེགས་གྲངས། ༡༠ བོད་ཀྱི་སྐད་ཡིག་སློབ་དགེ་ཆེད་ཞབས་སྟེགས་གྲངས་ ༥ ཟུར་འཇོག་ཞུ་རྒྱུ།
༤་ སློབ་གྲྭའི་སློབ་ཚན་དང་འབྲེལ་བའི་གཙུག་ལག་རབ་འབྱམས་པ་ (Master’s Degree) ཉུང་མཐར་བརྒྱ་ཆ་ ༥༠ ཡོད་ཚེ་དམིགས་བསལ་བརྒྱ་ཆ་སྤྲོད་རྒྱུ།
ཁ༽ སྤྱི་ཡོངས་དགོས་ངེས་ཡིག་ཆ་དང་ཐུགས་སྣང་དགོས་པ།
༡་ ཆ་རྐྱེན་ཚང་རིགས་རྣམས་ངག་རྒྱུགས་ལམ་ནས་འདེམས་སྒྲུག་བྱ་རྒྱུ་ཡིན་པས་ཕྱི་ལོ་ ༢༠༡༤ ཟླ་ ༧ ཚེས་ ༨ ཆུ་ཚོད་ ༡༠ ཐོག་འདི་ག་ལས་ཁུངས་སུ་ངོ་བཅར་དགོས་པ་ཡིན།
༢་ གནས་ཡུལ་རྒྱལ་ཁབ་ཏུ་གནས་སྡོད་ཆོག་པའི་ཡིག་ཆའི་ངོ་བཤུས།
༣་ ཕྱི་ལོ་ ༢༠༡༣ ལོའི་དཔྱ་ཁྲལ་བསྡུ་འབུལ་ཞུས་པའི་ངོ་བཤུས།
༤་ གཟུགས་གཞི་བདེ་ཐང་ཡིན་པའི་སྨན་པའི་ངོས་སྦྱོར་ངོ་མ།
༥་ སློབ་ཡོན་དང་། ཟས་གྲོན་སོགས་ཤེས་རིག་ལས་ཁུངས་ནས་ནར་གཏོང་གནང་རྒྱུ།
༦་ སློབ་ཐོན་མཚམས་ཉུང་མཐར་ལོ་ ༥ སློབ་གྲྭ་ཁག་ཏུ་ཕྱག་ལས་གནང་རྒྱུའི་ཁས་ལེན་ཞུ་དགོས།
༧་ ཞུ་སྙན་འགེངས་ཤོག་ཤེས་རིག་ལས་ཁུངས་ཀྱི་དྲ་རྒྱ་ www.sherig.org ནས་ཕབ་བཤུས་ཀྱིས་ཞིབ་ཕྲ་བཀང་སྟེ་གཤམ་གསལ་ཁ་བྱང་ཐོག་སྦྲགས་བརྒྱུད་ཤེས་རིག་ཁུངས་སུ་དུས་བཀག་སྔོན་འབྱོར་ཟིན་པ་དགོས།
གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་སྟེང་བཙན་བྱོལ་བོད་མིའི་སྒྲིག་འཛུགས་ཀྱི་འགན་འཛིན་ལས་བྱེད་ཟུང་དྲུང་ཡན་ནམ་ས་གནས་འགོ་འཛིན། ཡང་ན་བོད་མིའི་སློབ་གྲྭ་གང་རུང་གི་སློབ་སྤྱི་བཅས་སུ་རུང་ནས་ངོ་བཤུས་ཡིག་ཆ་ཁག་ངོ་བཤུས་འཁྲུལ་མེད་ཡིན་པའི་དག་མཆན་མཚན་རྟགས་ངེས་ཞུ་དགོས་པ་བཅས་ཀྱི་གསལ་བསྒྲགས་སུ། ཤེས་རིག་ལས་ཁུངས་ནས། ཕྱི་ལོ་ ༢༠༡༤ ཟླ་ ༤ ཚེས་ ༧ ལ།།
The Secretary
Department of Education, CTA
Gangchen Kyishong
Dharamsala ‐ 176215, Distt. Kangra, H.P. India
Fax: 01892 – 223481 Tel: 01892 ‐ 222572/ 222721
Email: [email protected] website: www.sherig.org
