༢༠༡༤ ཟླ་ ༤ ཚེས་ ༢༩ རེས་གཟའ་མིག་དམར།
༄༅། །འདི་གའི་ཆེད་གཉེར་གསར་འགོད་པ་ཡེ་ཤེས་ཀུན་གྲགས་ལགས་ཀྱིས་ས་གནས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༤ ཟླ་ ༤ ཚེས་ ༢༨ ཉིན་གྱི་ཕྱེད་ཡོལ་ཆུ་ཚོད་ ༡ ཙམ་ལ་༸གོང་ས་མཆོག་སྦིར་ཅོན་ཏ་རར་རྟེན་གཞི་བྱས་པའི་རྫོང་གསར་བཤད་གྲྭར་ཆིབས་སྒྱུར་བསྐྱངས་སྐབས་ཕུན་ཚོགས་ཕོ་བྲང་གི་གདུང་སྲས་མཆོག་དང་། མཁན་པོ་ཆོས་དབྱིངས་རྡོ་རྗེ་ལགས། ས་སྐྱའི་སྤྱི་འཐུས་དེག་བཤེས་ག་ཟི་ཚེ་རིང་པོ་ལགས། དགོན་པའི་བླ་སྤྲུལ་དང་མཁན་པོ། སྦིར་སྡེ་དགེ་དང་བོད་ཚོགས། ཅོན་ཏ་ར་ནང་ཆེན་བཅས་ཀྱི་ས་གནས་འགོ་འཛིན་གྱིས་ལག་ཏུ་དཀར་གཙང་མཇལ་དར་དང་མེ་ཏོག་སོགས་ཐོགས་ཏེ་ཕེབས་བསུ་གཟབ་རྒྱས་ཞུས་ཐོག་གཙུག་ལག་ཁང་སྐལ་བཟང་ཆོས་ཀྱི་འབྱུང་གནས་སུ་གདན་འདྲེན་ཞུས་ཏེ་མཎྜལ་རྟེན་གསུམ་འདེགས་འབུལ་ཞུས། 
དེ་ནས་མགོན་པོ་གང་ཉིད་མཆོག་གིས་གཙུག་ལག་ཁང་དུ་གྲྭ་དམངས་དང་། 
བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཆེ་བ་མཆོག་དང་། དཔལ་ལྡན་སྲིད་སྐྱོང་མཆོག བོད་མི་མང་སྤྱི་འཐུས་ཚོགས་གཙོ་དང་ཚོགས་གཞོན། སྐུ་མགྲོན་རྣམ་པ་བཅས་ལ་བཀའ་སློབ་སྩལ་ཡོད།
