༢༠༡༤ ཟླ་ ༣ ཚེས་ ༡རེས་གཟའ་སྤེན་པ།

༈ བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ན་གཞོན་རོགས་སྐྱོར་ཚན་པས་བོད་ནས་གསར་དུ་འབྱོར་བའི་ན་གཞོན་གཙོ་བོར་འགྱུར་རང་རེའི་ན་གཞོན་རྣམས་ལ་སོ་སོའི་འཚོ་བའི་རྟེན་གཞི་བསྐྲུན་ཐབས་སུ་ཕྱི་ལོ་ ༢༠༡༤ ཟླ་ ༤ ཚེས་ ༡ ནས་རྡ་ས་མེག་གྷན་སྣེ་ལེན་ཁང་རྙིང་པའི་ནང་གཞི་རིམ་དང་འབྲིང་རིམ་གྱི་གློག་ཀླད་སྦྱོང་བརྡར་རིན་མེད་ཕུལ་རྒྱུ་དང་། སྐྲ་བཟོའི་སྦྱོང་བརྡར་ཆེད་རྒྱ་གར་གྱི་སྐྲ་བཟོ་གྲགས་ཅན་ Jawed Habib ཀྱི་ལག་འཁྱེར་གནང་རྒྱུའི་ཆ་རྐྱེན་འོག་གོ་སྒྲིག་ཞུ་རྒྱུར་སྦྱོང་བརྡར་གྱི་དུས་ཡུན་ཟླ་གསུམ་ཡིན། སྐྲ་བཟོའི་ཡོ་ཚས་དང་དངོས་ཟོག་རིན་འབབ་ཆེད་སྦྱོང་བརྡར་བ་རེ་ནས་སྒོར་ ༡༣༠༠༠།༠༠ རེ་བསྡུ་འབུལ་དགོས་པ་ལྟར་འཛུལ་འདོད་ཡོད་རིགས་ནས་གཤམ་གསལ་སྦྱོང་བརྡར་ཁང་དུ་ཕྱི་ལོ་ ༢༠༡༤ ཟླ་ ༣ ཚེས་ ༡༥ འགྱངས་མེད་ཐོ་འགོད་དགོས་པའི་གསལ་བསྒྲགས་སུ།

ནང་སྲིད་ལས་ཁུངས་ནས་ཕྱི་ལོ་ ༢༠༡༤ ཟླ་ ༢ ཚེས་ ༢༨ ལ།

སྦྱོང་བརྡར་ཁང་གི་ཁ་བྱང་།
YES Tibetan Career centre,
Old Tibetan Reception centre,
Jogiwara Road,Mcloed Ganj,
Dharamsala – 176219, (H.P) India