༢༠༡༣ ཟླ་ ༡༢ ཚེས་ ༡༢ རེས་གཟའ་ཕུར་བུ།
༄༅། །རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་སྟབས་བསྟུན། ཕྱི་ལོ་ ༢༠༡༣ ཟླ་ ༡༢ ཚེས་ ༡༠ ཉིན་རྒྱ་ནག་ཏུ་རྟེན་གཞི་བྱས་པའི་ཨ་རིའི་གཞུང་ཚབ་པ་སྐུ་ཞབས་གྷེ་རི་ལོཀ་ Mr Gary Locke མཆོག་གིས་རྒྱ་ནག་གཞུང་ལ་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གི་སྐུ་ཚབ་དང་ལྷན་གྲོས་མོལ་གནང་སྟེ་བོད་ཀྱི་གནད་དོན་སེལ་ཐབས་གནང་དགོས་པའི་རེ་འདུན་ཤུགས་ཆེ་བཏོན་པའི་ནང་འཁོད་དོན།
ང་རང་རྒྱ་ནག་ཏུ་གནས་སྡོད་ཨ་རིའི་གཞུང་ཚབ་པ་ཞིག་ཡིན་པའི་ཆ་ནས་རྒྱ་ནག་ནི་མི་རིགས་འདྲ་མིན་གྱི་རིག་གཞུང་ཕྱུག་པོ་ཡོད་པ་ཞིག་མཐོང་བྱུང་། འོན་ཀྱང་གཞུང་གི་ཉེན་རྟོག་མི་སྣས་ཡུ་གུར་དང་བོད་རིགས། སོག་རིགས་སོགས་ལ་དམ་བསྒྲགས་ཤུགས་ཆེའི་སྲིད་བྱུས་ལག་བསྟར་བྱས་ཏེ་གྲངས་ཉུང་མི་རིགས་དེ་དག་གི་ཐུན་མིན་ཆོས་དང་རིག་གཞུང་སོགས་གཞི་རྩའི་རང་དབང་ལ་རྩིས་མེད་རྡོག་རོལ་གཏོང་བཞིན་པ་མཐོང་བྱུང་། སྲིད་བྱུས་དེ་དག་གིས་སྤྱི་ཚོགས་ཀྱི་ཆིག་སྒྲིལ་ལ་གནོད་སྐྱོན་བཟོ་བཞིན་ཡོད། རྒྱ་ནག་གཞུང་གིས་དབྱེ་འབྱེད་མེད་པར་རང་གི་མི་སེར་རྣམས་ཀྱི་གཞི་རིམ་རང་དབང་སྲུང་སྐྱོབ་བྱེད་དགོས་པ་མ་ཟད། བོད་ཀྱི་ས་ཁུལ་དུ་ཛ་དྲག་གནས་སྟངས་ཞི་འཇམ་ཡོང་སླད་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གི་སྐུ་ཚབ་དང་ལྷན་གྲོས་མོལ་གནང་དགོས་པའི་རེ་འདུན་ཞུ་རྒྱུ་ཡིན། ཞེས་འཁོད་ཡོད།།
