༢༠༡༣ ཟླ་ ༡༢ ཚེས་ ༢༧ རེས་གཟའ་པ་སངས།

༄༅། །སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་རིག་གཅིག་རྐང་འཛིན་གང་མང་བསྐྱེད་བསྲིངས་དགོས་པའི་སྔ་རྗེས་ལམ་སྟོན་བཀའ་སློབ་དགོངས་དོན་གཙོ་བཟུང་ཐོག་བོད་མི་སྒྲིགས་འཛུགས་ཀྱི་དཔལ་ལྡན་སྲིད་སྐྱོང་མཆོག་ནས་ཁྱད་མཁས་མི་སྣ་ཤུགས་ཆེ་གསོ་སྐྱོང་ཐུབ་པའི་ཕུགས་འཆར་མཛད་བྱུས་བཅས་དོན་འཁྱོལ་ཡོང་ཐབས་སུ་འདི་ག་ཤེས་རིག་ལས་ཁུངས་ནས་ཕྱི་ནང་ཚོགས་སྒེར་ཁག་ལ་འབོད་བསྐུལ་བགྱིས་འབྲས་སུ་རྒྱ་བལ་གཉིས་དང་། ཨ་རི་། ཡུ་རོབ། ཨོ་སི་ཀྲོ་ལི་ཡ་གཙོ་གྱུར་ནུབ་ཕྱོགས་རྒྱལ་ཁབ་ཁག་ནང་གནས་འཁོད་རང་རིག་རྒྱལ་ཞེན་ལྷག་བསམ་ཅན་གཤམ་གསལ་ཚོགས་སྒེར་ཁག་ནས་མཐོ་རིམ་སློབ་ཡོན་གྲངས་མི་ཉུང་བ་ཞིག་མཐུན་འགྱུར་རོགས་ཕན་གནང་བྱོར་བྱུང་བར་རང་མི་རང་ཕན་གནང་བའི་བྱ་གཞག་ལ་དམིགས་བསལ་ལེགས་བརྫོད་དང་སྦྲགས་ཐུགས་རྫེ་ཆེ་ཞུ་གི་ཡོད། ཆབས་གཅིག་རང་རིགས་གཞན་ནས་ཀྱང་མིག་དཔེ་ཡར་འགྲན་གྱིས་གོང་གསལ་དམིགས་ཡུལ་དོན་འཁེལ་ཡོང་ཐབས་སློབ་ཡོན་རོགས་ཕན་གནང་འདོད་ཡོད་མཁན་ནས་འདི་གར་འབྲེལ་ལམ་གནང་སྐྱོང་འབོད་བསྐུལ་ཞུ་རྒྱུ་བཅས། དབུས་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ནས་ཕྱི་ལོ་ ༢༠༡༣ ཟླ་ ༡༢ ཚེས་ ༡༨ ལ།