༢༠༡༣ ཟླ་ ༡༢ ཚེས་ ༢ རེས་གཟའ་ཟླ་བ།

༄༅། །དཔལ་ལྡན་དགའ་ལྡན་ཕོ་བྲང་ཡིག་ཚང་བརྒྱུད། ཨོ་སི་ཀྲོ་ལི་ཡར་གནས་སྡོད་དད་ལྡན་གཞུང་ཞབས་འགྲེས་ཡོལ་ཆབ་མདོ་བ་ཨ་ཕོ་དགའ་དགའ་ལགས་ནས་༸རྒྱལ་བསྟན་ཡོངས་རྫོགས་ཀྱི་མངའ་བདག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་རིས་སུ་མ་ཆད་པའི་བསྟན་འཛིན་གྱི་སྐྱེས་ཆེན་དམ་པ་རྣམས་སྐུ་ཚེ་བརྟན་ཅིང་མཛད་འཕྲིན་རྒྱས་པ་དང་། ཐུགས་བཞེད་མ་ལུས་པ་ལྷུན་གྱིས་གྲུབ་པ། གཞིས་བྱེས་བོད་མི་རྣམས་ཀྱི་ཡིད་ལ་བརྣག་པའི་འདོད་དོན་བོད་ཀྱི་བདེན་མཐའ་མྱུར་དུ་གསལ་ཐབས་བཅས་པར་དམིགས་ཏེ་ལོ་ལྟར་འཇམ་དཔལ་མཚན་བརྗོད་འབུམ་ཐེར་རེ་གྲངས་གསོག་ཞུ་རྒྱུའི་མཆོད་བསྙེན་ཐེབས་རྩ་ཧིན་སྒོར་འབུམ་བཅུ་གནང་འབྱོར་བྱུང་དོན་དངུལ་ཁང་དུ་སྐྱེད་བཅོལ་ཟུར་འཇོག་ཡོད་པ་དེས་འགྲོ་སོང་ཆ་ཚང་ལྡང་མིན་ལ་བརྟེན། བསྟན་ལ་དད་ཅིང་བོད་སྤྱི་དོན་ཐོག་ཐུགས་སྣང་སེམས་འཁུར་ཅན་རྣམས་ཀྱིས་གོང་གསལ་ཐེབས་རྩའི་མ་དངུལ་གྱི་ཁ་སྣོན་དུ་རང་རང་བློས་བཅད་རྒྱ་མཚོ་ཆུ་ཐིགས་ཀྱི་འབྲེལ་མཚོན་ཞལ་འདེབས་གནང་མཁན་བྱུང་ན་དགེ་ཚོགས་རླབས་ཆེ་བསག་རྒྱུའི་དགེ་བསྐུལ་གསལ་བསྒྲགས་སུ། བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ནས་ཕྱི་ལོ་ ༢༠༡༣ ཟླ་ ༡༡ ཚེས་ ༢༩ ལ།།

Bank Detail:
Name of Bank: UCO, CTS
Account Holder: H.H The Dalai Lama’s Religious & Culture Society
Account Number: 20590100001910
IFSC Code: UCBA0002059
Swift Code:UCBAINBB001