༢༠༡༣ ཟླ་ ༡༢ ཚེས་ ༡༣ རེས་གཟའ་པ་སངས།

༄༅། །ནེལ་སོན་མན་ཌེ་ལ་བསྟི་གནས་ཁང་དང་ The Nelson Mandela Foundation རྒྱལ་སྤྱིའི་ཞི་བདེའི་བསྟི་གནས་ཁང་ One Billion Acts of Peaceགཉིས་ཟུང་འབྲེལ་ཐོག་ཕྱི་ལོ་ ༢༠༡༣ ཟླ་ ༡༢ ཚེས་ ༡༣ རེས་གཟའ་པ་སངས་ཉིན་གྱི་ཕྱེད་ཡོལ་ཆུ་ཚོད་ ༦ ཐོག་༸གོང་ས་༸སྐྱབས་མགོན་ཆེན་པོ་མཆོག་དང་ཡི་ཤུའི་ཆོས་དཔོན་སྐུ་ཞབས་ཌེ་སི་མོནྜ་ཊུ་ཊུ་ Archbishop Desmond Tutu མཆོག་རྣམ་གཉིས་དབར་ལྷོ་ཨ་ཕི་རི་ཀའི་སྲིད་འཛིན་ཟུར་པ་སྐུ་གཤེགས་ནེལ་སོན་མན་ཌེ་ལ་དམ་པ་མཆོག་ལ་རྗེས་དྲན་གུས་འདུད་མཚོན་ཆེད་ཞི་བདེའི་སྐོར་དྲ་ཐོག་བགྲོ་གླེང་མཛད་པ་ཐད་གཏོང་གནང་རྒྱུ་ཡིན་སྐོར་ནེལ་སོན་མན་ཌེ་ལ་བསྟི་གནས་ཁང་གིས་དྲིལ་བསྒྲགས་སྤེལ་ཡོད། དེ་ཡང་ཞི་བདེའི་དབུ་ཁྲིད་རྣམ་གཉིས་ཀྱི་བགྲོ་གླེང་བརྙན་འཕྲིན་དེ་བཞིན་ལྷོ་ཨ་ཕི་རི་ཀའི་གྲོང་ཁྱེར་ཇོ་ཧ་ནེ་སི་བྷག་ Johannesburg ཏུ་རྟེན་གཞི་བྱས་པའི་ནེལ་སོན་མན་ཌེ་ལ་བསྟི་གནས་ཁང་ནས་དེ་ཉིན་རང་ལ་རྒྱང་སྲིང་ཞུ་རྒྱུ་ཡིན་འདུག དེར་བརྟེན་དོན་གཉེར་ཅན་རྣམས་ཀྱིས་གཤམ་གསལ་དྲ་རྒྱའི་ཁ་བྱང་ཐོག་གཟིགས་ཐུབ་རྒྱུ་ཡིན།

བརྙན་འཕྲིན་གཟིགས་ཆེད་འདིར་གནོན།