༢༠༡༣ ཟླ་ ༡༡ ཚེས་ ༡༣ རེས་གཟའ་ལྷག་པ།
༄༅། །འཛམ་གླིང་ཤར་ནུབ་ཡུལ་གྲུ་གང་ས་ནས་སྤྱིར་ནང་ཆོས་དང་ལྷག་པར་ཟབ་ལམ་འཇལ་ལུས་འཕོ་བའི་གདམས་ངག་ལ་ཉམས་ལེན་དོན་གཉེར་ཅན་མང་དག་ཅིག་ནས་ཇི་ལྟར་གསོལ་འདེབས་ཞུས་དོན་བཞིན། འབྲི་གུང་ཆོས་རྗེ་ཨཱཿ་དབྱངས་རིན་པོ་ཆེ་མཆོག་ནས་ཕྱི་ལོ་ ༡༩༩༣ ནས་བཟུང་ལོ་ལྟར་གནས་མཆོག་རྡོ་རྗེ་གདན་དུ་སྔ་འགྱུར་རྙིང་མའི་སྨོན་ལམ་ཆེན་མོ་མ་ཚུགས་སྔོན་ཕྱི་ནང་མི་རིགས་སྟོང་ཚོ་བརྒལ་བར་ཟབ་ལམ་འཇལ་ལུས་འཕོ་བ་ཆེན་མོའི་ཁྲིད་ཁ་དང་འཕོ་སྦྱོང་བཀའ་ཁྲིད་བཀའ་དྲིན་ཆེ་མུས་ལྟར། ཕྱི་ལོ་ ༢༠༡༤ ཟླ་ ༡ ཚེས་ ༡༩ ནས་ཚེས་ ༢༨ བར་ཉིན་གྲངས་བཅུའི་རིང་ཟབ་ལམ་འཇའ་ལུས་འཕོ་བའི་ཁྲིད་ཁ་དང་འཕོ་སྦྱོང་བཀའ་ཁྲིད་བཀའ་དྲིན་ཆེ་རྒྱུའི་ཐུགས་གཏན་འཁེལ་སོང་བར་བརྟེན། དད་ལྡན་ཆོས་ཞུ་བ་རྣམས་གནས་མཆོག་ཁྱད་འཕགས་ཅན་དུ་གདམས་ངག་ཟབ་མོ་འདི་ལྟ་བུ་ཞུ་ཐུབ་ན་འདི་ཕྱི་གཉིས་ཕན་གྱི་སྐལ་བཟང་གོ་སྐབས་འདི་ལས་ལྷག་པ་མེད་པར་སོང་། དེ་རྩིས་དེ་སྔ་འཕོ་བའི་ཁྲིད་ཁ་ཞུ་མྱོང་མཁན་རྣམས་དང་དེ་བཞིན་གསར་དུ་ཞུ་བློ་ཡོད་རིགས་རྣམས་ཕྱི་ལོ་ ༢༠༡༤ ཟླ་ ༡ ཚེས་ ༡༩ འགྱངས་མེད་གནས་མཆོག་རྡོ་རྗེ་གདན་དུ་ཕེབས་འབྱོར་ཐུབ་པ་གནང་དགོས་ཀྱིས་ཆོས་བརྡ་གསལ་བསྒྲགས་སུ། སྦེལ་ཀོབ་བཀའ་དགོན་འཕོ་བའི་གྲ་སྒྲིག་ཚོགས་ཆུང་ནས་ཕྱི་ལོ་ ༢༠༡༣ ཟླ་ ༡༡ ཚེས་ ༢ ལ་
ཕུལ།།
འབྲེལ་བ་གནང་ཡུལ།
སྦེལ་ཀོབ། ༠༨༢༢༣ ༢༥༤༢༢༠ 08223 254220
ལྡི་ལི། ༠༡༡ ༢༦༨༤༨༥༦༨ 011 26848568
རྡོར་གདན། ༠༦༣༡ ༢༢༠༠༢༡༤ 0631 2200214
