༢༠༡༣ ཟླ་ ༩ ཚེས་ ༩ རེས་གཟའ་ཟླ་བ།
༄༅། །རྒྱ་གར་ལྷོ་ཕྱོགས་བོད་དོན་ལས་འགུལ་ཞུ་གཏུགས་ཚོགས་ཆུང་གི་ཚོགས་མི་བོད་མི་མང་སྤྱི་འཐུས་ཨ་ཀྲུག་ཚེ་བརྟན་ལགས་དང་ཚེ་རིང་གཡུ་སྒྲོན་ལགས། བློ་བཟང་ཡེ་ཤེས་ལགས། འཇིགས་མེད་འབྱུང་གནས་ལགས་བཅས་ཀྱིས་ཕྱི་ལོ་ ༢༠༡༣ ཟླ་ ༩ ཚེས་ ༦ རེས་གཟའ་པ་སངས་ཉིན་རྒྱ་གར་གུ་ཇུ་ར་ཏི་མངའ་སྡེའི་ནང་བོད་དོན་ཞུ་གཏུག་གི་ལས་འགུལ་སྤེལ་སྐབས་མངའ་སྡེའི་སྲིད་སྐྱོང་ལྕམ་སྐུ་ཀམ་ལ་བྷེ་ནི་བལ་མཆོག་ Governor Dr Kamala Beniwal དང་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ན་རེན་དྲ་མོ་དི་མཆོག་ Chief Minister Shri Narendra Modi གིས་གཙོས་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་བ་ཇུ་བྷའི་བ་ལ་ Speaker Shri Vajubhai Vala མཆོག
གཞན་ཡང་གྲོས་ཚོགས་འཐུས་མི་བཅས་དང་མཇལ་འཕྲད་གནང་ཡོད། སྐབས་དེར་མངའ་སྡེའི་སྤྱི་ཁྱབ་བློན་ཆེན་མཆོག་གི་ལས་ཁུངས་སུ་དབུ་ཁྲིད་
མངའ་སྡེའི་གྲོས་ཚོགས་ཀྱི་ཚོགས་ཁང་ནང་།
རྣམས་ཀྱིས་བོད་མིའི་སྐུ་ཚབ་རྣམས་ལ་ཕེབས་བསུ་གཟབ་རྒྱས་ཞུས་པ་དང་སྦྲགས། བོད་མིའི་སྐུ་ཚབ་རྣམས་ནས་དཀར་གཙང་མཇལ་དར་ཕུལ་བ་བརྒྱུད་མངའ་སྡེའི་མཛད་གཙོ་རྣམ་པར་བོད་ལུགས་ཀྱི་ལམ་ནས་འཚམས་འདྲི་ཞུས་ཡོད། ཕྱོགས་མཚུངས་བོད་མིའི་སྐུུ་ཚབ་རྣམ་པས་བོད་དོན་ངོ་སྤྲོད་ཞུས་པ་མ་ཟད།
མངའ་སྡེའི་སྲིད་སྐྱོང་མཆོག་དང་ལྷན།
ལྷག་པར་ཕྱི་ལོ་ ༢༠༠༩ ནས་ད་བར་བོད་མི་ ༡༢༠ རང་ལུས་མེར་སྲེག་བཏང་སྟེ་རྒྱ་ནག་གཞུང་གི་དམ་བསྒྲགས་ཅན་གྱི་སྲིད་བྱུས་ལ་ཞི་རྒོལ་བྱས་པ་དང་བོད་མི་དེ་དག་ཁོངས་ནས་ ༡༠༣ ཙམ་འདས་གྲོངས་སུ་གྱུར་བ་སོགས་ངོ་སྤྲོད་ཞུས་པ་དང༌སྦྲགས། དབུ་ཁྲིད་རྣམས་ཀྱིས་བོད་དོན་ཐོག་གང་ཅིའི་རྒྱབ་སྐྱོར་ཡོང་བའི་འབོད་སྐུལ་ཞུ་སྐབས་ཁོང་རྣམས་ནས་ཞལ་གཅིག་གྲག་གིས་བོད་མི་ཚོའི་དཀའ་ངལ་ལ་གདུང་སེམས་མཉམ་སྐྱེ་ཡོད་པ་མ་ཟད། གང་ཐུབ་རྒྱབ་སྐྱོར་གནང་རྒྱུའི་ཁས་ལེན་ཡང་གནང་ཡོད། ལྷག་པར་མངའ་སྡེའི་བློན་ཆེན་སྐུ་ཞབས་ན་རེན་དྲ་མོ་དི་མཆོག་གིས་ཁོང་དུས་ཡུན་རིང་མོ་ནས་བོད་དོན་ལ་དོ་སྣང་ཡོད་པ་ཙམ་མ་ཟད། བོད་ནང་དཀའ་སྡུག་ཇི་འདྲ་ཞིག་མྱོང་བཞིན་པ་དང་གཞིས་བྱེས་བོད་མི་ཡོངས་ཀྱིས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ལ་དད་གུས་ཇི་འདྲ་ཞུ་བཞིན་ཡོད་པ་དེ་དག་ཤེས་པའི་ཐོག་ནས་དེ་སྔོན་ཁོང་རང་ཉིད་གངས་ཏི་སིར་གནས་མཇལ་དུ་བསྐྱོད་སྐབས་༸གོང་ས་མཆོག་གི་སྐུ་པར་གསང་བའི་སྒོ་ནས་བོད་ནང་གི་བོད་མི་ཚོར་སྤྲོད་སྐབས་བོད་མི་དེ་དག་ཧ་ཅང་དགའ་ཚོར་ཆེན་པོ་བྱུང་ཡོད་སྐོར་དྲན་གསོ་གནང་བ་དང་སྦྲགས། ཁོང་ནི་བོད་དོན་ཐོག་ཡུན་རིང་ནས་རྒྱབ་སྐྱོར་གནང་མཁན་ཞིག་ཡིན་པ་གསལ་བཤད་གནང་ཡོད། གཞན་ཡང་སྐབས་དེར་སྤྱི་ཁྱབ་བློན་ཆེན་མཆོག་གིས་བོད་མིའི་སྐུ་ཚབ་འཐུས་མི་བརྒྱུད་ནས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ལ་ཁོང་གི་འཚམས་འདྲི་ཞུ་རོགས་ཞེས་འབོད་སྐུལ་ཡང་ཞུས་ཡོད།
མངའ་སྡེའི་གྲོས་ཚོགས་ཀྱི་ཚོགས་གཙོ་མཆོག་དང་ལྷན།
གཞན་ཡང་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་བ་ནུ་བྷའི་བ་ལ་མཆོག་གིས་བོད་མིའི་སྐུ་ཚབ་དང་མཇལ་འཕྲད་ཀྱིས་ཆུ་ཚོད་གཅིག་ཙམ་རིང་གསུང་མོལ་གནང་སྐབས། བོད་མི་ཚོས་སེམས་ཤུགས་ནམ་ཡང་ཆག་རྒྱུ་མེད་པ་དང། ལོ་ངོ་སྟོང་གི་རིང་འཐབ་རྩོད་བྱས་ནས་མཐར་རང་དབང་ཐོབ་མཁན་ཇིའུ་མི་རིགས་ལ་མིག་དཔེ་བལྟས་ནས་བོད་མི་ཚོས་རང་དབང་ཆེད་མུ་མཐུད་ནས་འཐབ་རྩོད་གནང་དགོས་སྐོར་གསུངས།
དེ་བཞིན་བོད་མིའི་སྐུ་ཚབ་རྣམས་མངའ་སྡེའི་སྲིད་སྐྱོང་ལྕམ་སྐུ་ཀམ་ལ་བྷེ་ནི་བལ་མཆོག་དང་མཇལ་འཕྲད་གནང་སྐབས་ལྕམ་སྐུ་མཆོག་གིས་གསུང་དོན། ཁྱེད་ཚོའི་རང་གི་མི་རིགས་ཀྱི་འཐབ་རྩོད་ཆེད་སྙིང་སྟོབས་དང་ཆོད་སེམས་དེར་ང་རང་ཧ་ལས་བྱུང། རྒྱ་ནག་གཞུང་ལ་འགྲོ་བ་མིའི་བཟང་སྤྱོད་ཀྱི་མ་འདང་པའི་དཀའ་ངལ་ཡོད་ཅེས་གསུངས། མཇལ་འཕྲད་ཡོངས་སུ་ལེགས་གྲུབ་བྱུང་རྗེས་བོད་མིའི་སྐུ་ཚབ་རྣམ་པས་གཞུང་གི་ཚོགས་ཁང་ཞིག་ཏུ་ Circuit House མང་ཚོགས་ལ་གཏམ་བཤད་དང་གསར་འགོད་གསལ་བསྒྲགས་ཤིག་ཀྱང་སྤེལ་རྒྱུ་ཡིན་འདུག དེ་རྗེས་ཟླ་ ༩ ཚེས་ ༡༠ ཉིན་ནས་གྲོས་ཚོགས་འཐུས་མི་རྣམས་ར་ཇི་སི་ཐན་མངའ་སྡེའི་ནང་བོད་དོན་ཞུ་གཏུག་གི་ལས་འགུལ་མུ་མཐུད་སྤེལ་རྒྱུ་ཡིན་འདུག
