༢༠༡༣ ཟླ་ ༩ ཚེས་ ༢༤ རེས་གཟའ་མིག་དམར།
༄༅། །བཞུགས་སྒར་དུ་གནས་འཁོད་སྐྱབས་བཅོལ་ལག་འཁྱེར་ཐོག་གནས་སྐོར་འཁོད་པའི་འབྲེལ་ཡོད་རྣམས་ལ། རྡ་ས་ས་གནས་སྐོར་སྲུང་ལས་ཁུངས་ནས་ཕྱི་ལོ་ ༢༠༡༢ ཟླ་ ༦ ཚེས་ ༣༠ བར་སྐྱབས་བཅོལ་ལག་དེབ་དུས་འགྱངས་ཐོབ་ཟིན་པ་རྣམས་ལ་རྒྱ་གར་དབུས་གཞུང་ནས་དགོངས་པ་ཆེ་བཞེས་ཐོག་རྒྱ་གར་ནང་གནས་སྡོད་སྐྱབས་བཅོལ་བོད་མི་སྤྱི་མཚུངས་ལྟར་ལོ་རེ་བཞིན་དུས་འགྱངས་གནང་རྒྱུ་བཀའ་འཁྲོལ་ཐོབ་ཟིན་པ་ལྟར། ཕྱི་ལོ་ ༢༠༡༣ ཟླ་ ༩ ཚེས་ ༢༥ རེས་གཟའ་ལྷག་པ་ནས་བཟུང་དུས་འགྱངས་དེབ་འགོད་འགོ་འཛུགས་ཞུ་རྒྱུ་ཡིན་ཅིང་། འདི་ལོའི་རིང་ལག་འཁྱེར་དུས་འགྱངས་ཞུ་རྒྱུའི་དུས་ཚོད་རེས་གཟའ་ཟླ་བ་དང་། ལྷག་པ། པ་སངས་བཅས་ཡིན་པ་དང་། བདེ་སྲུང་ཡན་ལག་ལས་ཁུངས་ནས་འགེངས་ཤོག་བཞེས་ཏེ་ས་གནས་ལག་འཁྱེར་ (FRO) ལས་ཁུངས་སུ་དོ་བདག་སོ་སོ་ངོ་བཅར་གྱིས་དུས་འགྱངས་ཞུ་དགོས། སྐྱབས་བཅོལ་ལག་ཁྱེར་དེབ་འགོད་དུས་ཚོད་ངེས་ཅན་རིང་ཡིན་འདུག་པར་བརྟེན་དེ་ལུགས་རང་དོན་རང་གཅེས་ཀྱི་དུས་ཐོག་ངོ་བཅར་ངེས་པར་དུ་ཡོང་བ་ཞུ།
ཕྱིན་ཆད་དོ་བདག་རང་ཉིད་རྒྱ་གར་ནང་ཁུལ་གནས་སྤོས་བྱ་དགོས་བྱུང་ཚེ་ཐོན་མཆན་དང་འབྱོར་མཆན་ཞུ་དགོས། དེ་བཞིན་རྒྱ་གར་ནས་ཕྱི་རྒྱལ་ཡུལ་གྲུ་ཁག་ལ་གཏན་དུ་བསྐྱོད་དགོས་བྱུང་ཚེ་སྐྱབས་བཅོལ་ལག་དེབ་ས་གནས་སོ་སོའི་རྒྱ་གར་ལག་འཁྱེར་ (FRO) ལས་ཁུངས་སུ་རྩིས་འབུལ་ཞུ་དགོས་འདུག་པ་དེ་ལུགས་ཚང་མས་ཐུགས་སྣང་གིས་ལག་བསྟར་ཡོང་བ་ཞུ། བདེ་སྲུང་ལས་ཁུངས་ནས་ཕྱི་ལོ་ ༢༠༡༣ ཟླ་ ༩ ཚེས་ ༢༣ ལ།།
