༢༠༡༣ ཟླ་ ༩ ཚེས་ ༡༡ རེས་གཟའ་ལྷག་པ།

༄༅། །ཨོ་སི་ཊོ་ལི་ཡའི་སྲིད་བློན་གསར་པར་འོས་འདེམས་བྱུང་བ་སྐུ་ཞབས་ཊོ་ནི་ཨེ་བྷོ་ཊི་མཆོག་ལ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་དགའ་བསུའི་འཚམས་འཕྲིན་ཞིག་ཕུལ་བའི་ནང་འཁོད་དོན།

བོད་མི་ཡོངས་ཀྱི་ཚབ་ཞུས་ཏེ་བོད་མི་མང་སྤྱི་འཐུས་ལྷན་ཁང་ནས་སྐུ་ཉིད་མཆོག་ལ་ཉེ་ལམ་སྲིད་བློན་འོས་བསྡུའི་རྒྱལ་ཁ་ཐོབ་པར་དགའ་བསུའི་འཚམས་འདྲི་ཞུ་རྒྱུ་དང། སྐུ་ཉིད་མཆོག་གིས་སྲིད་བློན་གསར་པའི་ལས་དོན་གང་སྤེལ་མཐའ་དག་བྱ་བ་ལམ་ལྷོང་ཡོང་བའི་སྨོན་འདུན་ཞུ་རྒྱུ་ཡིན། སྐུ་ཉིད་མཆོག་ནི་བོད་ནང་གི་གནས་སྟངས་སྐོར་རྒྱུས་མངའ་ཧ་ཅང་གསལ་པོ་ཡོད་མཁན་ཞིག་ཡིན་སྟབས། ད་ལྟའི་བོད་ནང་གི་དཀའ་ངལ་དེ་འཚེ་མེད་ཞི་བའི་ལམ་ནས་སེལ་ཏེ་ཡུན་རིང་ལུས་པའི་བོད་ཀྱི་གནད་དོན་སེལ་རྒྱུར་ཕུགས་རྒྱང་རིང་པོའི་ཐབས་ལམ་ཞིག་འཚོལ་ཆེད་སྐུ་ཉིད་མཆོག་གིས་རྒྱབ་སྐྱོར་གནང་རོགས་ཞེས་འབོད་སྐུལ་ཞུ་རྒྱུ་ཡིན། ཞེས་འཁོད་ཡོད།

འཚམས་འཕྲིན་ངོ་མ་དབྱིན་ཡིག་ནང་ཡོད་པས་དེར་རྩ་འཛིན་ཡོང་བ་ཞུ།།