༢༠༡༣ ཟླ་ ༨ ཚེས་ ༢༤ རེས་གཟའ་སྤེན་པ།
༄༅། །མོན་གྷོ་གཞིས་ཆགས་སུ་ཉེ་ཆར་བོད་ཕྲུག་ལོ་ན་མ་སོན་པའི་བུ་མོ་ཞིག་ལ་གཞིས་ཆགས་གཅིག་པའི་སྐྱེས་པ་གཉིས་ཀྱིས་བཙན་གཡེམ་བྱ་རྩིས་བྱས་པའི་གནས་ཚུལ་བྱུང་བར་བོད་མིའི་སྒྲིག་འཛུགས་ཀྱི་སྐྱོན་བརྗོད་ཤུགས་ཆེ་བྱེད་བཞིན་ཡོད།
བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ས་གནས་འགོ་འཛིན་ཡོངས་སུ་རྫོགས་པར་གནས་ཚུལ་འདིའི་རིགས་བྱུང་ཚེ་འཕྲལ་དུ་ས་གནས་ཉེན་རྟོག་ལས་ཁུངས་སུ་རྩིས་སྤྲོད་དགོས་པའི་དོ་ནན་གྱི་བཀོད་ཁྱབ་བཏང་ཡོད། ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས་གསུང་དོན། འདི་ལྟ་བུའི་ཚབས་ཆེའི་ནག་ཉེས་ཀྱི་གནས་ཚུལ་བྱུང་བ་དེ་ས་གནས་ཉེན་རྟོག་ལས་ཁུངས་སུ་ཞུ་རྒྱུ་དང་ཁྲིམས་ལྟར་དཀའ་ངལ་སེལ་ཐུབ་པ་བྱ་འགྱུར་འདི་ག་ནང་སྲིད་ལས་ཁུངས་ལ་འགན་ཡོད་པ་བཞིན་གང་ཡོང་ཅི་ཡོང་བྱ་རྒྱུ་ཡིན། དེ་བཞིན་མོན་གྷོ་ས་གནས་འགོ་འཛིན་གྱིས་བུ་མོ་དང་ནང་མིར་མཐུན་འགྱུར་གང་དགོས་རྣམས་ཞུ་རྒྱུ་ཡིན། ཞེས་གསུངས་ཡོད། གཞན་ཡང་དེ་རིང་ཕྱི་ཚེས་ ༢༥ ཉིན་ནང་སྲིད་བཀའ་བློན་མཆོག་དང་ལྷོ་སྤྱི་རྣམ་གཉིས་མོན་གྷོ་གཞིས་ཆགས་སུ་ཆེད་ཕེབས་ཀྱི་བུ་མོ་དང་ནང་མི་བཅས་ཐུག་འཕྲད་གནང་སྟེ་དངོས་ཡོད་གནས་སྟངས་གཟིགས་ཞིབ་གནང་རྒྱུ་ཡིན་འདུག་པ་བཅས།།
གནས་ཚུལ་འདིའི་སྐོར་འབྲེལ་བ་གནང་ས། ནང་སྲིད་དྲུང་འཕར་དོན་གྲུབ་རྡོ་རྗེ།
ཁ་པར་ཨང་གྲངས། ༨༨༩༤༠༦༩༦༩༦
ལས་ཁུངས་ཀྱི་ཁ་པར་ཨང་གྲངས། ༠༡༨༩༢ ༢༢༢༢༡༤ ། ༢༢༢༤༡༢
