༄༅། །འདི་གར་ཕྱི་ལོ་ ༢༠༡༣ ཟླ་ ༨ ཚེས་ ༢༢ ཉིན་ཤེས་རིགས་ལས་ཁུངས་ནས་བཏང་གནས་ནང་འཁོད་དོན། ཤེས་རིག་ལས་ཁུངས་ནས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་གོ་སྒྲིག་ཞུས་པའི་ཤེས་ཡོན་སྲིད་བྱུས་དང་མཐུན་པའི་གཞི་རིམ་འོག་མའི་དགེ་འོས་རྣམས་ལ་ཕྱི་ལོ་ ༢༠༡༣ ཟླ་ ༨ ཚེས་ ༡ ནས་ ༣༠ བར་ཨེམ་དྷ་བྷཊ་ཀེལ་རོག་ (Calorx Teachers’ University) དགེ་འོས་གཙུག་ལག་སློབ་གཉེར་ཁང་དུ་དམིགས་བསལ་སྦྱོང་བརྡར་གོ་སྒྲིག་ཞུས་ཡོད་པ་དང༌།
ཟླ་བ་གཅིག་རིང་དགེ་འོས་སློབ་མ་རྣམས་ལ་ཨིན་ཡིག་དང་ཨང་རྩིས། སྤྱི་ཚོགས་ཚན་རིག་སློབ་ཁྲིད་བྱེད་ཐབས། ཀེལ་རོག་ཁྱབ་ཁོངས་སློབ་ཁག་ནང་ལག་ལེན་སྦྱོང་བརྡར་སོགས་གོ་སྐབས་གནང་ཡོད་ལ། ཐེངས་འདིར་ལན་སྦྱོང་བརྡར་ནང་དགེ་འོས་སློབ་མ་ ༡༧ ནས་ཆ་ཤས་བླངས་ཡོད་པ་དང་། ཀེལ་རོག་དགེ་འོས་སློབ་ཁང་ནི་ཨེམ་དྷ་བྷཊ་ནང་ཡོད་པའི་རྒྱ་གར་དགེ་འོས་གཙུག་ལག་སློབ་ཁང་དྲག་གྲས་ཤིག་ཡིན་པ་དང་གཙུག་ལག་སློབ་ཁང་དེའི་ནང་ཤེས་རིག་ལས་ཁུངས་ཀྱིས་གོ་སྒྲིག་ཐོག་འདས་པའི་དགེ་རྒན་འོས་སྦྱོང་ཁག་གཉིས་ལ་སྦྱོང་བརྡར་གནང་མྱོང་ཡོད་འདུག
