༢༠༡༣ ཟླ་ ༧ ཚེས་ ༡༠ རེས་གཟའ་ལྷག་པ།
༄༅། །འདི་གར་བལ་ཡུལ་སྐུ་ཚབ་དོན་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༡༣ ཟླ་ ༧ ཚེས་ ༦ ཉིན་བལ་ཡུལ་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༧༨ ལ་ཕེབས་པའི་སྐུའི་འཁྲུངས་སྐར་དུས་ཆེན་སྲུང་བརྩི་གཟབ་རྒྱས་ཞུས་འདུག
དེ་ཡང་མཛད་སྒོའི་སྐུ་མགྲོན་གཙོ་བོ་ས་སྐྱའི་ཆོས་བརྒྱུད་བྱམས་ཆེན་ཡིད་དགའ་ཆོས་གླིང་དགོན་གྱི་བླ་ཆེན་ཞབས་དྲུང་རིན་པོ་ཆེ་མཆོག་གིས་གཙོས་རྒྱལ་ཡོངས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་ཟུར་པ་སྐུ་ཞབས་ཀ་པིལ་ཤེས་རེས་ཐ། ཧི་མཱ་ལ་ཡའི་རི་རྒྱུད་ཀྱི་སྐུ་མགྲོན་རྣམ་པ། བལ་ཡུལ་ནང་པའི་མཐུན་ཚོགས་ཀྱི་ཚོགས་གཞོན་མཁན་པོ་འཇིགས་བྲལ་ལགས། དེ་བཞིན་བོད་རིགས་མང་ཚོགས་སོགས་མཉམ་འཛོམས་ཐོག་སྐུའི་འཁྲུངས་སྐར་སྲུང་བརྩི་གཟབ་རྒྱས་ཞུས་འདུག་པ་བཅས།།
