༢༠༡༣ ཟླ་ ༧ ཚེས་ ༢ རེས་གཟའ་མིག་དམར།
༄༅། །ཕྱི་ལོ་ ༢༠༡༣ ཟླ་ ༦ ཚེས་ ༣༠ ཉིན་བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། བོད་ཤར་ཕྱོགས་མཚོ་སྔོན་ཞིང་ཆེན་རྨ་ལྷོ་ཁུལ་གྱི་ཆུ་མ་དགོན་པའི་དགེ་བསྐོས་ཚེ་བརྟན་རྒྱལ་ལགས་དང་དགེ་འདུན་པ་ཆོས་གྲགས་ལགས་རྣམ་གཉིས། རྒྱ་ནག་གཞུང་གིས་འདི་ལོའི་ཕྱི་ཟླ་ ༢ ཚེས་ ༢༠ ཉིན་འཛིན་བཟུང་བྱས་ཏེ་ཕྱི་ཟླ་ ༣ ཚེས་ ༡ ཉིན་དགེ་བསྐོས་ཚེ་བརྟན་རྒྱལ་ལགས་ལ་ལོ་གཉིས་དང་ཟླ་བ་དྲུག་གི་རིང་དུས་བཀག་བཙོན་འཇུག་ཁྲིམས་ཐག་བཅད་དེ། ད་ལྟ་མཚོ་སྔོན་ཟི་ལིང་གྲོང་ཁྱེར་གྱི་བཙོན་ཁང་ཞིག་ནང་བཙོན་འཇུག་བྱས་ཡོད་འདུག དེ་བཞིན་རྒྱ་ནག་གཞུང་གིས་རེབ་གོང་ཆུ་མ་དགོན་པའི་དགེ་བསྐོས་ཚེ་བརྟན་རྒྱལ་ལགས་ལ་བཙོན་འཇུག་ཁྲིམས་ཐག་བཅད་དགོས་པའི་རྒྱུན་མཚན་ནི། ཕྱི་ལོ་ ༢༠༡༢ ཟླ་ ༡༡ ཚེས་ ༤ ཉིན། རང་ལུས་མེར་སྲེག་གནང་སྟེ་རྒྱ་ནག་གཞུང་ལ་ཞི་བའི་ངོ་རྒོལ་གནང་མཁན་རེབ་གོང་ཆུ་མ་བློ་སྦྱོང་སྡེ་བ་ནས་ཡིན་པའི་རྡོ་རྗེ་ལྷུན་འགྲུབ་ཀྱི་རུལ་ཐལ་ཁག་རི་བོ་དགོན་པའི་རྒྱབ་ངོས་ནས་བློ་སྦྱོང་སྡེ་བའི་རང་ཁྱིམ་དུ་གདན་འདྲེན་ཞུས་པའི་སྐབས་ཉམས་ཞུགས་གནང་བར་བརྟེན། རྨ་ལྷོ་ཁུལ་གྱི་མི་མང་འབྲིང་རིམ་ཁྲིམས་ཁང་ཟེར་བས་དེ་ནི་རྒྱལ་ཁབ་ཀྱི་ཁྲིམས་དང་འགལ་བ་ཡིན་ཚུལ་བརྗོད་དེ་ནག་ཉེས་བཙུགས་ཡོད་འདུག་པ་བཅས། །
