དགེ་བཤེས་མའི་རྒྱུགས་སྤྲོད་ཀྱི་གྲུབ་འབྲས་གསལ་བསྒྲགས།

གསར་ལས་ཁང་གི་གསར་འགོད་པས།

༢༠༡༣-༠༧-༠༥

༢༠༡༣ ཟླ་ ༧ ཚེས་ ༥ རེསགཟའ་པ་སངས།

༄༅། །དགེ་བཤེས་མའི་རྒྱུགས་སྤྲོད་གོ་སྒྲིག་ཚོགས་ཆུང་ནས་ཕྱི་ལོ་ ༢༠༡༣ ཟླ་ ༧ ཚེས་ ༥ ཉིན་བཏང་གནས་ནང་འཁོད་དོན། བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་གཞི་བཞིན་ཕྱི་ལོ་ ༢༠༡༢ ཟླ་ ༥ ཚེས་ ༡༨ ནས་ ༡༩ བར་རྡ་ས་བོད་ཀྱི་དཔེ་མཛོད་ཁང་དུ་བཙུན་དགོན་དྲུག་དང་། རྡ་ས་རིགས་ལམ་སློབ་གཉེར་ཁང་། བོད་ཀྱི་བཙུན་མའི་ལས་འཆར་བཅས་ཀྱི་སྐུ་ཚབ་ལྷན་འཛོམས་ཐོག་༼བོད་ཀྱི་བཙུན་དགོན་དང་སློབ་གཉེར་ཁང་གི་གཞུང་ཆེན་བསླབ་པ་མཐར་སོན་བཙུན་མ་རྣམས་ལ་དགེ་བཤེས་མའི་རྒྱུགས་སྤྲོད་དང་ལག་འཁྱེར་འབུལ་ཕྱོགས་ཀྱི་སྒྲིག་གཞི་༽གཏན་འབེབས་གནང་བ་གཞིར་བཟུང་། ཕྱི་ལོ་ ༢༠༡༣ ཟླ་ ༡ ཚེས་ ༧ ནས་ ༨ བར་དགེ་བཤེས་མའི་རྒྱུགས་སྤྲོད་དོ་དམ་ཚོགས་ཆུང་བསྡུ་བསྐོང་གིས་དེའི་ནང་ནས་རྒྱུགས་སྤྲོད་གོ་སྒྲིག་ཚོགས་ཆུང་ཆེད་བཙུགས་གནང་རྗེས། སེར་འབྲས་དགའ་གསུམ་གྱི་དགེ་བཤེས་ལྷ་རམས་པ་ཁག་ཅིག་གིས་མཐུན་འགྱུར་དང་འབྲེལ། ཕྱི་ལོ་ ༢༠༡༣ ཟླ་ ༥ ཚེས་ ༢༠ ནས་ཟླ་ ༦ ཚེས་ ༣ བར་རྡ་ས་བཙུན་དགོན་འཇམ་དབྱངས་ཆོས་གླིང་དུ་ལོ་རིམ་དང་པོའི་རྒྱུགས་སྤྲོད་ལེགས་པར་ཚུགས་པའི་ནང་། འཛུལ་ཞུགས་པ་བཙུན་མ་ཉེར་བདུན་བྱུང་བའི་ཁོངས་གཉིས་མ་གཏོགས་རྒྱུགས་སྤྲོད་འཕྲོད་འདུག་པས། ཨང་རིམ་ལོན་མཁན་གསུམ་གྱི་མཚན་གཞུང་དང་། གྲུབ་འབྲས་རེའུ་མིག་ཆ་ཚང་ཟུར་སྦྱར་ཐོག་ལོ་རྒྱུས་རང་བཞིན་ལྡན་པའི་དགེ་བཤེས་མའི་རྒྱུགས་སྤྲོད་ཀྱི་གྲུབ་འབྲས་གསལ་བསྒྲགས་སུ།

ཨང་རིམ་དང་པོ།
བལ་ཡུལ་མཁའ་སྤྱོད་དགའ་འཁྱིལ་གླིང་ངམ་ཀོ་པན་དགོན་པའི་བཙུན་མ་པ་སངས་བླ་མ་ལགས་སུ།
བརྒྱ་ཆ་བརྒྱ་ནས་ ༧༩་༨༣ ཐོབ་ཡོད་པ་དང།