༢༠༡༣ ཟླ་ ༧ ཚེས་ ༡༩ རེས་གཟའ་པ་སངས།
༄༅། །འདི་གར་རཱཇ་སྤུར་བོད་ཀྱི་བུད་མེད་མཉམ་ལས་བཟོ་གྲྭའི་ཡིག་ཚང་ནས་ཕྱི་ལོ་ ༢༠༡༣ ཟླ་ ༧ ཚེས་ ༡༩ ལ་བཏང་གནས་ནང་འཁོད་དོན། དཔལ་ལྡན་ཆོས་རིག་ལས་ཁུངས་ནས་ཕྱི་ལོ་ ༢༠༡༣ ཕྱི་ཟླ་ ༧ ཚེས་ ༢ འཁོད་བཀའ་རྒྱ་དགོངས་དོན་ལྟར་ྋརྒྱལ་བའི་སྐུ་ཕྱྭ་དང༌། བསྟན་སྲིད། སྐྱེ་འགྲོའི་སྤྱི་མཐུན་བསོད་ནམས་གསོག་ཆེད་འདི་ག་རཱཇ་སྤུར་བོད་ཀྱི་བུད་མེད་མཉམ་ལས་བཟོ་གྲྭའི་ལས་མི་ཡོངས་ནས་ཕྱི་ལོ་ ༢༠༡༣ ཟླ་ ༧ ཚེས་ ༡༨ བོད་ཟླ་ ༦ ཚེས་ ༡༠ ནས་བཟུང་ཕྱི་དྲོ་ཆུ་ཚོད་ ༥།༣༠ ནས་ ༦།༠༠ བར་ལས་ཁུངས་ཀྱི་དུས་ཚོད་དང༌། དེ་རྗེས་ཆུ་ཚོད་ཕྱེད་ཀ་སྒེར་གྱི་དུས་ཚོད་བཏང་ཏེ་ཆུ་ཚོད་གཅིག་རིང་ཟླ་བ་གཅིག་བར་མཧཱ་གུ་རུའི་ཐུགས་དམ་གནད་སྐུལ་དང༌། འཕགས་མཆོག་ཐུགས་རྗེ་ཆེན་པོའི་བདེན་ཚིག་སྨོན་ལམ་བཅས་ཞབས་རིམ་གསོག་སྒྲུབ་ཞུ་བཞིན་པ་དང༌། སྒྲུབ་ཐོ་སྡེ་ར་སྡུན་ས་གནས་འགོ་འཛིན་ལས་ཁང་དུ་འབུལ་རྒྱུ་ཡིན་འདུག་པ་བཅས། །།
རཱཇ་སྤུར་བོད་ཀྱི་བུད་མེད་མཉམ་ལས་བཟོ་གྲྭའི་ལས་མི་ཡོངས་ནས་ཞབས་རིམ་གནད་སྨིན་གནང་བ།
གསར་གནས།
འབྲེལ་གནས།
