༄༅། །མཁྱེན་ལྡན་ཡངས་པ་ཀོང་པོ་གཞིས་བྱེས་སེར་སྐྱ་མི་མང་གིས་གཙོས། དད་སྦྱིན་གཏོང་ཕོད་ཅན་སེར་སྐྱ་མི་མང་ལྷན་རྒྱས་ཀྱི་སྙན་ལམ་དུ།
ཆེད་ཞུ།
མཁྱེན་གསལ་བཞིན་བོད་ལྗོངས་ཀོང་ཡུལ་གཞིས་བྱེས་སེར་སྐྱ་མི་མང་སྤྱི་མགྲིན་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༢ སྩལ་སྐབས་ཀོང་ཡུལ་གཞིས་བྱེས་མི་མང་གིས་སྦྱིན་བདག་ཞུས་ཏེ་དུས་དབང་ཐེངས་ ༣༣ སྩལ་སྐྱོང་བཀྲིན་ཆེ་བའི་གསོལ་འདེབས་ཇི་ལྟར་ཞུས་དོན་དང། དེ་རྗེས་མཚན་འཁོད་སྙན་ཞུ་ཕུལ་བར་ཕྱི་ལོ་ ༢༠༡༢ ཕྱི་ཟླ་ ༣ པའི་ཚེས་ཤར་ལ་བཀའ་བཟང་དོན་སྨིན་སྩལ་ཐོབ་དགོངས་དོན། ཕྱི་ལོ་ ༢༠༡༤ ཕྱི་ཟླ་ ༧ ཚེས་ ༣ ནས་ ༡༤ བར་ལ་དྭགས་ཀྱི་རྒྱལ་ས་སླེ་རུ་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༣ པ་སྩལ་འཐུས་ཐུགས་གཏན་འཁེལ་ལུགས་བཀའ་བཞེས་སྤྱི་སོན་ནོད་པ་ལྟར། ཉེ་འཆར་དགེ་བསྐུལ་ཞུ་ཡིག་སྔོན་ཕུལ་ལྟར་འབྲེལ་ཡོད་ཚང་མས་ཐུགས་འཁུར་ཆེ་བཞེས་ཡོང་བ་དེ་དོན་དགོངས་འཇགས་ཞུ།
དུས་དབང་ཐེངས་ ༣༣ དང་འབྲེལ་བའི་དྲ་རྒྱའི་ཁ་བྱང་ནི།་
www.kalachakra2014.org
ཡིག་འབྲེལ་གནང་སའི་ཨི་མལ་ཁ་བྱང་ནི།
[email protected] བཅས་ཀོང་པོ་གཞིས་བྱེས་མི་མང་དུས་དབང་གོ་སྒྲིག་ཚོགས་ཆུང་ལས་ཁང་ནས།
ཕྱི་ལོ་ ༢༠༡༣ ཕྱི་ཟླ་ ༥ ཚེས་ ༡༣ བཟང་པོར།
