༢༠༡༣ ཟླ་ ༥ ཚེས་ ༣༡ རེས་གཟའ་པ་སངས།

༄༅། །ལོ་ལྟར་ཕྱི་ཟླ་ ༥ ཚེས་ ༣༡ ཉིན་ World No Tobacco Day འཛམ་གླིང་རྡོ་ཐ་མེད་པའི་ཉིན་མོ་སྲུང་བརྩི་ཞུ་བཞིན་ཡོད་པ་ལྟར། དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ནས་དེ་རིང་ཕྱི་ལོ་ ༢༠༡༣ ཟླ་ ༥ ཚེས་ ༣༡ ཉིན་འཛམ་གླིང་རྡོ་ཐ་མེད་པའི་ཉིན་མོ་སྲུང་བརྩི་ཞུས་ཡོད། དེ་རིང་སྔ་དྲོ་གཙུག་ལག་ཁང་གི་རྒྱལ་སྒོ་མདུན་སར་འཕྲོད་བསྟེན་ལས་ཁུངས་ཀྱི་མྱོས་རྫས་ངན་གོམས་ཚན་པ་ནས་མི་མང་གང་མང་ལ་རྡོ་ཐ་དང་འབྲེལ་བའི་འཕྲོད་བསྟེན་སྐོར་ཡིག་ཆ་དང་སྟོད་ཐུང་རིན་མེད་ཐོག་བགོས་འགྲེམས་ཞུས་པ་མ་ཟད། གཉན་ནད་རེག་དུག་གི་གློག་བརྙན་འོས་བརྡེར་འགྲེམས་སྤེལ་ཞུ་ཡོད། འདི་ལོའི་འཛམ་གླིང་རྡོ་ཐ་མེད་པའི་ཉིན་མོའི་བརྗོད་གཞི་ནི། རྡོ་ཐ་ཁྱབ་བསྒྲགས་དང་གོང་སྤེལ་ཐོག་གི་སྦྱིན་བདག་བཀག་བསྡོམ། Ban Tobacco Advertising, Promotion and Sponsorhip འཛམ་གླིང་ནང་ཐ་མ་ཀ་རྡོ་བེད་སྤྱོད་བྱེད་པའི་རྐྱེན་གྱིས་ལོ་རེར་མི་ས་ཡ་ ༦ འདས་གྲོངས་སུ་འགྱུར་གྱི་ཡོད།