༢༠༡༣ ཟླ་ ༤ ཚེས་ ༡༢ རེས་གཟའ་པ་སངས།
༄༅། །ཨ་རིའི་གྲོས་ཚོགས་གོང་མའི་འཐུས་མི་ ༢༡ གིས་ཨ་རིའི་ཕྱི་སྲིད་དྲུང་ཆེ་ཇོན་ཀེ་རི་(John F. Kerry) མཆོག་ཕྱི་ལོ་ ༢༠༡༣ ཟླ་ ༤ ཚེས་ ༡༣ ཉིན་རྒྱ་ནག་ཏུ་རྒྱལ་དོན་འཚམས་གཟིགས་སུ་ཕེབས་སྐབས། བོད་ཀྱི་གནད་དོན་གལ་ཆེར་འཛིན་ཏེ་རྒྱ་གཞུང་དང་མཉམ་གླེང་སློང་དགོས་པའི་འབོད་སྐུལ་གྱི་ཞུ་ཡིག་གཅིག་ཕུལ་བའི་ནང་འཁོད་དོན། ང་ཚོས་སྐུ་ཉིད་མཆོག་ལ་བོད་ནང་གི་གནས་སྟངས་ཇེ་བཟང་དུ་གཏོང་ཆེད་འབད་བརྩོན་གནང་རོགས་ཞེས་འབོད་སྐུལ་ཞུ་རྒྱུ་ཡིན། དེ་ལྟར་ཞུ་དགོས་པའི་རྒྱབ་ལྗོང་གི་གནས་སྟངས་ནི། སྐུ་ཉིད་མཆོག་བོད་དོན་ཐོག་ཧ་ཅང་དོ་སྣང་གནང་མཁན་ཞིག་ཡིན་པ་མ་ཟད། ཨ་རིའི་ཕྱི་སྲིད་དྲུང་ཆེ་གོང་མ་ཚོས་བོད་དོན་རྒྱབ་སྐྱོར་གྱི་རྨང་གཞི་བཙུགས་པ་དེ་རྒྱུན་འཁྱོང་ཡོང་ཆེད་ཡིན། སྐུ་ཉིད་མཆོག་དེ་སྔ་ཨ་རིའི་གྲོས་ཚོགས་གོང་མའི་ཕྱི་འབྲེལ་ལས་དོན་ཚན་པའི་ (Senate Foreign Relations Committee) ནང་ཕྱག་ལས་གནང་སྐབས། ཚན་པས་བོད་དོན་རྒྱབ་སྐྱོར་གྱི་ལས་གཞི་དང་སྲིད་བྱུས་མང་དག་ཅིག་གཏན་འབེབས་གནང་སྟེ། ཨ་རིའི་གཞུང་གི་བོད་དོན་རྒྱབ་སྐྱོར་གྱི་ལངས་ཕྱོགས་དེ་སྔ་ལས་གཞི་རྒྱ་ཆེ་རུ་བཏང་ཡོད། རྒྱབ་སྐྱོར་དེ་དག་གིས་བོད་མི་ཚོར་རང་གི་རིག་གཞུང་དང་ངོ་བོ་སྲུང་སྐྱོབ་ཆེད་ཕན་ཐོགས་ཧ་ཅང་བྱུང་བ་མ་ཟད།
བོད་ཀྱི་གནད་དོན་དེ་བཞིན་འཚེ་མེད་ཞི་བར་གཞི་བཅོལ་བའི་གྲོས་མོལ་གྱི་ལམ་ནས་སེལ་རྒྱུར་ཕན་ཐོགས་བྱུང་ཡོད། སྐུ་ཉིད་མཆོག་སྐུ་སྒེར་གྱིས་བོད་དོན་རྒྱབ་སྐྱོར་གནང་བ་དང་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་དང་སེམས་ཐག་ཉེ་པོ་ཡོད་པ་མ་ཟད། ཨ་རིའི་གྲོས་ཚོགས་གོང་མའི་ཕྱི་འབྲེལ་ལས་དོན་ཚན་པའི་ལས་ཁུངས་སུ་ཐེངས་གཉིས་ཙམ་གདན་ཞུ་གནང་བ་དང། ཕྱོགས་མཚུངས་བོད་མིའི་སྒྲིག་འཛུགས་སྲིད་སྐྱོང་བློ་བཟང་སེང་གེ་མཆོག་ཀྱང་མགྲོན་འབོད་ཞུས་པར་ང་ཚོས་ཡི་རང་བསྔགས་བརྗོད་ཞུ་རྒྱུ་ཡིན། ཞེས་སོགས་འཁོད་ཡོད་པ་མ་ཟད། དོན་ཚན་བདུན་འཁོད་པའི་གནད་དོན་རྣམས་ནི།
༡༽ སྐུ་ཉིད་མཆོག་གིས་རྒྱ་ནག་གཞུང་གི་འགོ་ཁྲིད་དང་ལྷན་གྲོས་མོལ་གནང་སྐབས་བོད་ཀྱི་གནད་དོན་དེ་ཡང་གྲོས་མོལ་གནང་རྒྱུའི་གནད་དོན་ཞིག་ཏུ་བརྩི་དགོས་པ་དང། དེ་ལྟར་བརྩི་དགོས་པའི་རྒྱུ་མཚན་ཡང་དེ་སྔའི་ཨ་རིའི་ཕྱི་སྲིད་དྲུང་ཆེའི་ལས་འགན་རྒྱུན་སྐྱོང་གནང་བ་ལྟ་བུ་དང་། ཡང་ན་ཨ་རིའི་ཆབ་སྲིད་ཀྱི་འགྲོ་ལུགས་ཙམ་གྱི་རྣམ་པའི་ཐོག་ནས་མིན་པར། བོད་ཀྱི་གནད་དོན་དེར་རྒྱབ་སྐྱོར་བྱ་རྒྱུ་དེ་བཞིན་ཨ་རིའི་ཕྱི་སྲིད་ལས་ཁུངས་ཀྱི་ལངས་ཕྱོགས་བརྟན་པོ་ཞིག་ཡིན། ལངས་ཕྱོགས་དེ་ཡང་རྒྱལ་སྤྱིའི་ཁྱོན་ཡོངས་ལ་ཁྱབ་པའི་གཞི་རྩའི་རིན་ཐང་ལ་གཞི་བཅོལ་བ་ཞིག་ཡིན་པའི་ར་སྤྲོད་གནང་དགོས།
༢༽ རྒྱ་ནག་གཞུང་ནས་བོད་མིའི་འགོ་ཁྲིད་དང་ལྷན་དོན་སྙིང་ལྡན་པའི་གྲོས་མོལ་བསྐྱར་གསོ་གནང་དགོས་པ།
༣༽ བོད་དོན་ཐོག་དམིགས་བསལ་འབྲེལ་མཐུད་པ་གསར་པ་གང་མགྱོགས་བསྐོ་གཞག་གནང་རྒྱུ།
༤༽ བོད་མིའི་བདེ་དོན་དང་དཔལ་འབྱོར། དེ་བཞིན་གསར་འགྱུར་ཤེས་རྟོགས་ཆེད་མཐུན་འགྱུར་བསྐྲུན་རྒྱུ་སོགས་ཀྱི་ལས་གཞིའི་ཐད་མུ་མཐུད་རྒྱབ་སྐྱོར་གནང་རྒྱུ།
༥༽ མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་འགན་འཛིན་ལྕམ་སྐུ་ན་ཝི་པིལ་ལེ་ (Navi Pillay) མཆོག་གིས་བོད་དོན་རྒྱབ་སྐྱོར་གྱི་བསྒྲགས་གཏམ་ནང་གསལ་བ་རྣམས་ལག་ལེན་དོན་འཁྱོལ་ཡོང་ཆེད་རྒྱལ་ཁབ་གཞན་དང་མཉམ་འབྲེལ་གྱིས་ལས་འགུལ་སྤེལ་རྒྱུ།
༦༽ ཨ་རིའི་ནང་རྒྱ་ནག་གཞུང་གི་སྐུ་ཚབ་རྣམས་ལ་དམ་བསྒྲགས་གང་ཡང་མེད་པར་འགྲོ་བསྐྱོད་ཆོག་པ་ལྟར། ཨ་རིའི་སྐུ་ཚབ་ཚོ་ལའང་བོད་ནང་དམ་བསྒྲགས་གང་ཡང་མེད་པར་འགྲོ་བསྐྱོད་ཆོག་པའི་ཆོག་མཆན་སྤྲོད་དགོས།
༧༽ ལྷ་སའི་ནང་ཨ་རིའི་གཞུང་ཚབ་འཛུགས་རྒྱུའི་ཆ་རྐྱེན་དེ་གལ་ཆེ་ཤོས་སུ་བརྩི་དགོས།
ཞེས་འཁོད་འདུག གོང་འཁོད་ཞུ་སྙན་དེར་ད་བར་རྒྱབ་སྐྱོར་གནང་མཁན་ཨ་རིའི་གྲོས་ཚོགས་གོང་མའི་འཐུས་མི་ཉི་ཤུ་རྩ་གཅིག་བྱུང་ཡོད་པ་རྣམས་ནི། སྐུ་ཞབས་མཀ་ཨུ་ཌལ་ (Mark Udall) མཆོག་དང། མར་ཀོ་རུ་བྷི་ཡོ་ (Marco Rubio) མཆོག ཌེན་ནེ་ཕ་ཡིན་སི་ཊེན་ (Dianne Feinstein) མཆོག བྷར་བྷ་ར་བྷོག་སར་ (Barbara Boxer) མཆོག རི་ཆ་ཌི་ཌིཀ་ཌུར་བྷན་མཆོག (Richard ‘Dick’ Durban) བྷེན་ཀར་ཌིན་ (Ben Cardin) མཆོག པེ་ཊིཀ་ལི་ཧེ་ (Patrick Leahy) མཆོག ཊོམ་ཨུ་ཌལ་ (Tom Udall) མཆོག རོན་ཝེ་ཌན་ (Ron Wyden) མཆོག རི་ཆ་ཌི་བྷུ་ལུ་མན་ཐལ་ (Richard Blumenthal) མཆོག ཇོན་མེ་ཀེན་ Senator John McCain མཆོག ༧༽ ལྷ་སའི་ནང་ཨ་རིའི་གཞུང་ཚབ་འཛུགས་རྒྱུའི་ཆ་རྐྱེན་དེ་གལ་ཆེ་ཤོས་སུ་བརྩི་དགོས། ཞེས་འཁོད་འདུག གོང་འཁོད་ཞུ་སྙན་དེར་ད་བར་རྒྱབ་སྐྱོར་གནང་མཁན་ཨ་རིའི་གྲོས་ཚོགས་གོང་མའི་འཐུས་མི་བཅུ་ཙམ་བྱུང་ཡོད་པ་རྣམས་ནི། སྐུ་ཞབས་མཀ་ཨུ་ཌལ་ (Mark Udall) མཆོག་དང། མར་ཀོ་རུ་བྷི་ཡོ་ (Marco Rubio) མཆོག ཌེན་ནེ་ཕ་ཡིན་སི་ཊེན་ (Dianne Feinstein) མཆོག བྷར་བྷ་ར་བྷོག་སར་ (Barbara Boxer) མཆོག རི་ཆ་ཌི་ཌིཀ་ཌུར་བྷན་མཆོག (Richard ‘Dick’ Durban) བྷེན་ཀར་ཌིན་ (Ben Cardin) མཆོག པེ་ཊིཀ་ལི་ཧེ་ (Patrick Leahy) མཆོག ཊོམ་ཨུ་ཌལ་ (Tom Udall) མཆོག རོན་ཝེ་ཌན་ (Ron Wyden) མཆོག རི་ཆ་ཌི་བྷུ་ལུ་མན་ཐལ་ (Richard Blumenthal) མཆོག མེ་ཁལ་ཨེབ་བྷན་ནེ་ཊི་(Micheal F. Bennet) མཆོག ཝིལ་ལེམ་ཨེམ་ཀོ་ཝན་ (William M. Cowan) མཆོག ཨལ་ཕ་རན་ཀན་ (Al Franken) མཆོག མ་ཡིཀ་ཇོ་ཧན་ (Mike Johanns) མཆོག མ་ཡིཀ་ཀི་རིག (Mark Kirk) མཆོག ཇོན་མེ་ཀེན་ (John McCain) མཆོག ཇེམ་སི་ཨེ་རི་སི་ (James E. Risch) མཆོག བྷར་ན་ཌི་སན་ཌར་སི་ (Bernard Sanders) མཆོག ཨེ་ལི་ཛེ་བྷེ་ཐི་ (Elizabeth Warren) མཆོག སུ་སན་ཨེམ་ཀོ་ལིན་སི་ (Susan M. Collins) མཆོག ཇེབ་མར་ཀེ་ལི་ (Jeff Merkeley) བཅས་མཆོག་ཡིན་འདུག
