༢༠༡༣ ཟླ་ ༤ ཚེས་ ༡༦ རེས་གཟའ་མིག་དམར།

༄༅། །བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། མགོ་ལོག་གཅིག་སྒྲིལ་རྫོང་སྲུང་དཀར་སྡེ་བ་ནས་ཡིན་པའི་ལྷ་ཚོགས་ལགས་ཕྱི་ལོ་ ༢༠༡༣ ཟླ་ ༤ ཚེས་ ༡༡ ཉིན་དུས་བཀག་རྫོགས་ཏེ་བཙོན་བཀྲོལ་ཐོབ་ནས་ས་གནས་སུ་ཕྱིར་ལོག་གནང་སྐབས། ས་གནས་མི་མང་གིས་ཕེབས་བསུའི་སྣེ་ལེན་དང་མགོ་ལོག་གཅིག་སྒྲིལ་རྫོང་ནང་ཡོད་པའི་དཔལ་ཡུལ་ཐར་ཐང་དགོན་པའི་དགེ་འདུན་པ་ཚོས་ཕེབས་བསུའི་སྣེ་ལེན་གོ་སྒྲིག་གནང་ཡོད་འདུག
ལྷ་ཚོགས་ལགས་སུ་རྒྱ་ནག་གཞུང་ནས་ཕྱི་ལོ་ ༢༠༠༨ ལོའི་ས་བྱི་ཞི་རྒོལ་ཆེན་མོའི་སྐབས་ཞི་རྒོལ་སྣེ་ཁྲིད་དང་བརྒྱུད་སྐུལ་བྱས་པའི་ཉེས་མིང་འོག་ལོ་དྲུག་གི་བཙོན་འཇུག་ཁྲིམས་ཐག་བཅད་ནས་ད་བར་བཙོན་འཇུག་བྱས་ཡོད་འདུག

དེ་བཞིན་ཕྱི་ལོ་ ༢༠༡༣ ཟླ་ ༢ ཚེས་ ༡༩ ཉིན་བོད་མདོ་སྨད་མཛོད་དགེ་རྫོང་གི་རྐྱང་ཚ་ཞང་ཐོག་ཏུ་

བསོད་ནམས་དར་རྒྱས་ལགས།

རང་ལུས་མེར་སྲེག་བཏང་སྟེ་རྒྱ་ནག་གཞུང་ལ་ངོ་རྒོལ་གནང་མཁན་བོད་མི་གཞོན་སྐྱེས་གཉིས་ཡོད་ཁོངས་ནས་བསོད་ནམས་དར་རྒྱས་ལགས་ཀྱི་འདྲ་པར་ཕྱི་ཕྱོགས་སུ་འབྱོར་ཡོད་པའི་གནས་ཚུལ་ཐོན་འདུག་པ་བཅས།།