༢༠༡༣ ཟླ་ ༤ ཚེས་ ༨ རེས་གཟའ་ཟླ་བ།
༄༅། །ཕྱི་ལོ་ ༢༠༡༣ ཟླ་ ༤ ཚེས་ ༨ ཉིན་གྱི་ཕྱེད་ཡོལ་ཆུ་ཚོད་ ༡༢།༣༠ ཙམ་ལ་༸གོང་ས་མཆོག་བཞུགས་སྒར་ནས་ལྡི་ལིར་ཆིབས་སྒྱུར་སྐབས་མི་མང་རྣམས་ཀྱིས་ལམ་གཡས་གཡོན་དུ་ལག་ཏུ་དཀར་གཙང་མཇལ་དར་དང་བདུག་སྤོས། དེ་བཞིན་མེ་ཏོག་ཐོགས་ཏེ་མཇལ་ཞུ་དང་ལྷན་ཕེབས་སྐྱེལ་ཁྲོད་མགོན་པོ་གང་ཉིད་མཆོག་དང་སྐུ་འཁོར་ལྷན་རྒྱས་ཕེབས་འགྲོ་བརྒྱུད་ག་གྷལ་གནམ་ཐང་དང་། དེ་ནས་མཁའ་ལམ་བརྒྱུད་ལྡི་ལིར་ཆིབས་བསྒྱུར་བསྐྱངས་ཡོད་ཅིང་།
ཕྱི་ཚེས་ ༩ ཉིན་ལྡི་ལི་ནས་མཁའ་ལམ་བརྒྱུད་ཨི་ཊ་ལི་ཆིབས་བསྒྱུར་བསྐྱང་རྒྱུ་ཡིན་འདུག
ཕྱི་ཚེས་ ༡༡ ནས་ ༢༩ ཉིན་བར་དུས་ཡུན་ཟླ་བདུན་ཕྲག་གསུམ་རིང་། ༸གོང་ས་མཆོག་གིས་ཨི་ཊ་ལི་དང་སུད་སི། དབྱིན་ཡུལ་བཅས་སུ་མང་ཚོཊ་ལ་ཆོས་འབྲེལ་དང་བཀའ་སློབ། མཁས་པའི་བགྲོ་གླེང་ཐོག་ལྷན་བཞུགས་མཛད་རྒྱུ་ཡིན་འདུག་པ་བཅས།།
