༢༠༡༣ ཟླ་ ༣ ཚེས་ ༡ རེས་གཟའ་པ་སངས།
༄༅། །འདི་གར་ཕྱི་ལོ་ ༢༠༡༣ ཟླ༌ ༣ ཚེས་ ༡ ཉིན་ཁུངས་ལྡན་གནས་ཚུལ་འབྱོར་གསལ་ལྟར་ན། ཀླུ་ཆུ་རྫོང་མི་དམངས་ཁྲིམས་ཁང་ཟེར་བས་ཕྱི་ལོ་ ༢༠༡༣ ཟླ་ ༢ ཚེས་ ༢༨ ཉིན་ལྷ་མོ་དོན་གྲུབ་ལགས་དང་། སྐལ་བཟང་བསོད་ནམས་ལགས། སྐལ་བཟང་སྐྱབས་ལགས་བཅས་ལ་སྔ་ལོ་ཟླ་ ༡༡ ཚེས་ ༢༩ ཉིན་རང་ལུས་མེར་སྲེག་གཏོང་མཁན་ཚེ་རིང་རྣམ་རྒྱལ་ལགས་དང་མེར་སྲེག་སྐབས་འབྲེལ་བ་ཡོད་པར་བསྙད་དེ་ཤེས་བཞིན་མི་སྲོག་བཅད་པའི་ཉེས་འཛུགས་བྱས་ཏེ་ཁག་སོ་སོར་དུས་བཀག་བཙོན་འཇུག་བཏང་འདུག ལྷ་མོ་རྡོ་རྗེ་ལགས་སུ་དུས་བཀག་བཙོན་འཇུག་ལོ་ ༡༥ དང་ཆབ་སྲིད་ཁེ་དབང་ལོ་ ༣ འཕྲོག་རྒྱུ། སྐལ་བཟང་བསོད་ནམས་ལགས་སུ་དུས་བཀག་བཙོན་འཇུག་ལོ་ ༡༡ དང་ཆབ་སྲིད་ཁེ་དབང་ལོ་ ༢ འཕྲོག་རྒྱུ། སྐལ་བཟང་སྐྱབས་ལགས་སུ་དུས་བཀག་བཙོན་འཇུག་ལོ་ ༡༠ དང་ཆབ་སྲིད་ཁེ་དབང་ལོ་གཅིག་འཕྲོག་རྒྱུའི་ཁྲིམས་ཆད་ལྗིད་པོ་བཏང་ཡོད་འདུག་པ་བཅས། །
