༢༠༡༣ ཟླ་ ༣ ཚེས་ ༧ རེས་གཟའ་ཕུར་བུ།
༄༅། །ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་ཕྱི་ལོ་ ༢༠༡༣ ཟླ་ ༣ ཚེས་ ༥ ནས་ ༡༥ བར་ཕ་རན་སི་རྒྱལ་ས་པེ་རི་སི་དང་སྦེལ་ཇེམ་གྱི་རྒྱལ་ས་སྦར་སིལ། དེ་བཞིན་རྒྱ་གར་གྱི་རྒྱལ་ས་ལྡི་ལི་བཅས་སུ་གཞུང་འབྲེལ་ཕྱོགས་ཕེབས་གནང་འདུག
དེ་ཡང་བཀའ་བློན་མཆོག་ཕྱི་ཟླ་ ༣ ཚེས་ ༥ ཉིན་རྒྱལ་ས་ལྡི་ལིར་ཕེབས་འབྱོར་གྱིས་ཕྱི་ཚེས་ ༦ ནས་ ༩ བར་ཕ་རན་སི་རྒྱལ་ས་པེ་རི་སིར་ལས་འཆར་དང། ཕྱི་ཚེས་ ༡༠ ནས་ ༡༡ བར་སྦེལ་ཇེམ་གྱི་རྒྱལ་ས་སྦར་སིལ་ཁུལ་དུ་ལས་འཆར། དེ་བཞིན་ཕྱི་ཚེས་ ༡༢ ཉིན་པེ་རི་སི་བརྒྱུད་རྒྱ་གར་གྱི་རྒྱལ་ས་ལྡི་ལིར་ཕེབས་འབྱོར་གནང་རྒྱུ་ཡིན་འདུག ཕྱི་ཚེས་ ༡༣ དང་ ༡༤ བཅས་སུ་རྒྱ་གར་གྱི་རྒྱལ་ས་ལྡི་ལིར་ལས་འཆར་ཡོད་འདུག་པ་བཅས།།
