༢༠༡༣ ཟླ་ ༣ ཚེས་ ༡༩ རེས་གཟའ་མིག་དམར།
༄༅། །འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། ཕྱི་ལོ་ ༢༠༡༣ ཟླ་ ༣ ཚེས་ ༡༨ ཉིན་གྱི་ཕྱི་དྲོ་མཚོ་སྔོན་ཞིང་ཆེན་མཚོ་ཤར་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས་འཇིགས་མེད་ཐབས་མཁས་ལགས་དང་སྐལ་བཟང་དོན་གྲུབ་ལགས། བློ་བཟང་ལགས་བཅས་གསུམ་གྱིས་མི་གཞན་ལ་རང་ལུས་མེར་བརྒྱུད་སྐུལ་དང་རྒྱལ་ཁབ་ཁ་བྲལ་བྱས་པའི་བསྙད་འདོགས་ཀྱིས་ཉེེས་མིང་འོག་འཇིགས་མེད་ཐབས་མཁས་ལགས་དུས་བཀག་བཙོན་འཇུག་ལོ་ལྔ་ཁྲིམས་ཐག་བཅད་པ་དང་ཆབ་སྲིད་དབང་ཆ་ལོ་གསུམ་བཙན་འཕྲོག་བྱས་འདུག
སྐལ་བཟང་དོན་གྲུབ་ལགས་སུ་དུས་བཀག་བཙོན་འཇུག་ལོ་དྲུག་གི་ཁྲིམས་ཐག་བཅད་པ་དང་ཆབ་སྲིད་དབང་ཆ་ལོ་བཞི་བཙན་འཕྲོག་བྱས་འདུག དེ་བཞིན་བློ་བཟང་ལགས་སུ་དུས་བཀག་བཙོན་འཇུག་ལོ་བཞི་ཁྲིམས་ཐག་བཅད་པ་དང་ཆབ་སྲིད་དབང་ཆ་ལོ་གཉིས་བཙན་འཕྲོག་བྱས་འདུག
དེ་བཞིན་སི་ཁྲོན་ཞིང་ཆེན་ཁོངས་རྔ་པ་ཁུལ་གྱི་མཛོད་དགེ་རྫོང་དུ་ཕྱི་ལོ་ ༢༠༡༣ ཟླ་ ༢ ཚེས་ ༡༩ ཉིན་རང་ལུས་མེར་ཀྱི་ལས་འགུལ་སྤེལ་ནས་འདས་གྲོངས་སུ་གྱུར་བ་རིན་ཆེན་ལགས་དང་བསོད་ནམས་དར་རྒྱས་གཉིས་དང་འབྲེལ་ཡོད་པར་བསྙད་དེ་བསྟན་པ་རྒྱ་མཚོ་སོགས་འཛིན་བཟུང་བྱས་ཡོད་འདུག་པ་བཅས། །
