༢༠༡༣ ཟླ་ ༣ ཚེས་ ༧ རེས་གཟའ་ཕུར་བུ།
༄༅། །ཕྱི་ལོ་ ༢༠༡༣ ཟླ་ ༣ ཚེས་ ༥ ཉིན་དབྱིན་ཡུལ་གྱི་བྱང་ཕྱོགས་གྲོང་ཁྱེར་ (North Hampton) ཧམ་ཊོན་བོད་དོན་རྒྱབ་སྐྱོར་བ་ཚོས་བོད་ཀྱི་རྒྱལ་དར་སྒྲེང་འཛུགས་ཐེངས་བཅུ་བཞི་པའི་མཛད་སྒོ་ཚོགས་པ་དང་ཆབས་ཅིག་ད་ལྟའི་བོད་ནང་འཕྲད་བཞིན་པའི་དཀའ་སྡུག་ལ་གདུང་སེམས་མཉམ་སྐྱེ་གནང་འདུག
དེ་ཡང་བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། མཛད་སྒོའི་ཐོག་བོད་མིའི་སྒྲིག་འཛུགས་ཀྱི་སྐུ་ཚབ་དོན་གཅོད་ཐུབ་བསྟན་བསམ་གྲུབ་ལགས་གདན་ཞུས་ལྟར་ཆེད་ཕེབས་གནང་སྟེ་དྲི་བ་དྲིས་ལན་ཡང་གནང་ཡོད། དེ་བཞིན་བོད་དོན་རྒྱབ་སྐྱོར་བ་རྣམས་ནས་ད་བར་གཞིས་ལུས་བོད་མི་ ༡༠༧ ནས་བོད་ཀྱི་བདེན་དོན་ཆེད་རང་ལུས་མེར་སྲེག་བཏང་སྟེ་རྒྱ་ནག་གཞུང་གི་གདུག་རྩུབ་ཅན་གྱི་སྲིད་བྱུས་ལ་ཞི་རྒོལ་གནང་བའི་ཞིབ་ཕྲའི་གནས་ཚུལ་ངོ་སྤྲོད་གནང་བ་ཡོད་པ་མ་ཟད། བོད་དོན་དང་འབྲེལ་བའི་བོད་ཀྱི་གློག་བརྙན་བསྟན་པ་དང་སྦྲགས་གཞས་སྣ་ཁག་གཅིག་ཀྱང་བཏང་ཡོད་པ་བཅས།།
