༢༠༡༣ ཟླ་ ༣ ཚེས་ ༡༥ རེས་གཟའ་པ་སངས།
༄༅། །ཕྱི་ལོ་ ༢༠༡༣ ཟླ་ ༣ ཚེས་ ༡༤ ཟླ་ ༣ ཚེས་ ༧ ནས་འགོ་འཛུགས་ཀྱིས་ཕྱི་ཚེས་ ༡༣ བར་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་པདྨ་ཆོས་འབྱོར་མཆོག་གིས་ཨོ་སི་ཊོ་ལའི་ཡའི་གྲོང་ཁྱེར་ཆེ་ཁག་བཞི་ཙམ་ནང་བོད་མི་དང་བོད་དོན་རྒྱབ་སྐྱོར་བ་དེ་བཞིན་བོད་བརྒྱུད་ནང་བསྟན་ཆོས་ཚོགས་སོགས་ལ་ལྟ་སྐོར་དང་གསུང་བཤད་གནང་ཡོད།
དེ་བཞིན་ཕྱི་ཚེས་ ༡༣ ཉིན་བཀའ་བློན་མཆོག་གིས་ས་གནས་བོད་མིའི་གསར་འགོད་པ་ཁག་གཅིག་གི་དྲི་བར་ལན་འདེབས་གནང་དོན། སོ་སོ་རང་ཉིད་ལ་ཆ་མཚོན་ན། བོད་མི་རིགས་དང་བོད་བསྟན་སྲིད། དེ་བཞིན་ད་ལྟའི་བོད་ནང་གི་བདེ་སྡུག་རྣམས་གྲོས་ཚོགས་ནང་ཞིབ་ཚགས་བརྗོད་རྒྱུའི་གོ་སྐབས་བྱུང་།སྤྱིར་བཏང་བཀའ་ཤག་གསར་པའི་ངོས་ནས་ཨ་རིས་གཙོས་ཡུ་རོབ་སོགས་འཛམ་གླིང་གི་རྒྱལ་ཁབ་མང་དག་ཅིག་ནང་གནས་ཡོད་པའི་བོད་མིར་ཚོར་བཀའ་ཤག་གསར་པའི་ལས་དོན་གནང་ཕྱོགས་དང་ས་གནས་བོད་མིའི་བསམ་ཚུལ་བསྡུ་རུབ་ཞུ་རྒྱུ་གལ་ཆེན་རྩི་བཞིན་ཡོད། དེར་བརྟེན་ང་རང་ད་ཐེངས་ཨོ་སི་ཊོ་ལི་ཡར་ཡོང་བ་ཡིན།
དེ་དང་ཆབས་ཅིག་སྐུ་ཚབ་དོན་གཅོད་ལས་ཁུངས་ནས་ཨོ་སི་ཊོ་ལའི་གྲོས་ཚོགས་ནང་བོད་དོན་སྙན་སེང་ཞུ་རྒྱུའི་ལས་རིམ་ཞིག་གོ་སྒྲིག་གནང་བ་ལྟར། རང་ཉིད་ཀྱིས་ནུས་པ་གང་ཡོད་ཐོག་གྲོས་ཚོགས་ནང་བོད་ནང་གི་བོད་མིའི་དཀའ་སྡུག་སྤྱི་དང་ཡང་སྒོས་རང་ལུས་མེར་སྲེག་སྐོར་གྱི་གནས་སྟངས་སོགས་ཆ་ལུས་མེད་པར་ཞུས་པར་བརྟེན། གྲོས་ཚོགས་ཀྱི་འཐུས་མི་ཚོས་ཀྱང་དོ་སྣང་ཆེན་པོ་གནང་བ་མ་ཟད། དྲི་བ་ཡང་གང་ཙམ་ཞིག་དྲིས་བྱུང་བ་དེ་དག་ལ་ལན་འདེབས་ཀྱང་ཞུས་པ་ཡིན། སོགས་ཀྱི་ལན་འདེབས་གནང་འདུག་པ་བཅས། །
