༄༅། །ཚང་མས་མཁྱེན་གསལ་ལྟར་བོད་ནང་དུ་གཞིས་བཞུགས་སྤུན་ཟླ་སེར་སྐྱ་ཕོ་མོ་རྒན་གཞོན་བར་གསུམ་གྱིས་བོད་བསྟན་སྲིད་དང། མི་རིགས། རང་དབང་སོགས་ཀྱི་དོན་དུ་རྒྱ་ནག་དམར་པོའི་དྲག་གནོན་གདུག་རྩུབ་ཕུགས་ངན་སྲིད་བྱུས་ལ་ཞི་རྒོལ་གྱིས་རང་ལུས་མེར་བསྲེགས་བཏང་བ་བོད་ནང་ནས་གནས་ཚུལ་ཤེས་རྟོགས་ལྟར་ན་ཞལ་གྲངས་ ༡༠༢ བྱུང་ཡོད། དེ་དག་དང། ད་དུང་རྒྱའི་བཙོན་ཁང་ནང་བརྗོད་དུ་མེད་པའི་དཀའ་སྡུག་ཚད་མེད་མྱངས་དང་མྱོང་བཞིན་པ་རྣམས་ལ་བོད་མིའི་སྒྲིག་འཛུགས་དང་རྒྱ་ཆེ་མང་ཚོགས་ནས་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་ཞུ་ཆེད་ཕྱི་ལོ་ ༢༠༡༣ ཟླ་ ༢ ཚེས་ ༢༠ སྟེ་རེས་གཟའ་ལྷག་པ་ཉིན་ཕྱི་དྲོ་ཆུ་ཚོད་ ༣ ནས་ ༥ བར་འཛམ་གླིང་ཡོངས་སུ་ཉིན་བརྒྱ་དུས་གཅིག་ལ་མཆོད་འབུལ་སྨོན་ལམ་ཞུ་དགོས་བཀའ་དྲུང་ཡིག་ཚང་ནས་ཕྱི་ལོ་ ༢༠༡༣ ཟླ་ ༢ ཚེས་ ༡༦ འཁོད་བཀོད་ཁྱབ་གནང་འབྱོར་བྱུང་བ་བཞིན་ས་གནས་ཚང་མར་ལག་ལེན་དོན་འཁྱོལ་ཡོང་བའི་གསལ་བསྒྲགས་སུ། ཆོས་རིག་ལས་ཁུངས་ནས་ཕྱི་ལོ་ ༢༠༡༣ ཟླ་ ༢ ཚེས་ ༡༧ ལ།།