གྲྭ་བཀྲིས་དར་རྒྱས་ལགས།
༢༠༡༣ ཟླ་ ༢ ཚེས་ ༡༦ རེས་གཟའ་སྤེན་པ།
༄༅། །འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། རྒྱ་གཞུང་གིས་ཁམས་བྲག་མགོ་རྫོང་གི་དགེ་འདུན་པ་གཉིས་དང་མི་སྐྱ་གསུམ་བཅས་བོད་མི་ལྔ་ལ་ལོ་བཅུ་ནས་བཅུ་བཞི་བར་གྱི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག
དེ་ཡང་ཕྱི་ལོ་ ༢༠༡༢ ཕྱི་ཟླ་ ༡ ཚེས་ ༣ ཉིན་ཁམས་བྲག་མགོ་རྫོང་ཐོག་ཏུ་མི་མང་གིས་རྒྱ་གཞུང་ལ་ཞི་བའི་ངོ་རྒོལ་བྱས་པར་བརྟེན། སྐབས་དེར་རྒྱ་གཞུང་གིས་བོད་མི་ཚོར་གང་བྱུང་གིས་མེ་མདའ་བརྒྱབ་སྟེ་བོད་མི་ཁག་གཅིག་དམར་གསོད་བཏང་བ་མ་ཟད། གནས་ཚུལ་དེ་བྱུང་རྗེས་ཁུལ་དེའི་ས་གནས་བོད་མི་མང་པོ་ཞིག་སྔ་རྗེས་ཀྱིས་འཛིན་བཟུང་བྱས་ཏེ་དུས་བཀག་འདྲ་མིན་གྱི་ཁྲིམས་ཐག་བཅད་ཡོད་པ་ལྟར། ཕྱི་ཟླ་ ༡ ཚེས་ ༢༦ ཉིན་བྲག་མགོ་རྫོང་འབྲིང་རིམ་མི་དམངས་ཁྲིམས་ཁང་ཟེར་བས། བྲག་མགོ་དགོན་པའི་དགེ་འདུན་པ་བཀྲ་ཤིས་དར་རྒྱས་ལགས་དང་
གྲྭ་རྣམ་རྒྱལ་དོན་གྲུབ་ལགས།
དགེ་འདུན་པ་རྣམ་རྒྱལ་དོན་གྲུབ་ལགས། མི་སྐྱ་འཕྲིན་ལས་ལགས། གཞན་ཡང་མིང་དང་ལོ་རྒྱུས་གསལ་བོ་མ་ཤེས་པའི་བོད་མི་ ༢ བཅས་ལ་བྲག་མགོ་མི་མང་གི་ཞི་བའི་ངོ་རྒོལ་གྱི་སྣེ་ཁྲིད་མཁན་དང་། གཞུང་གི་དངུལ་ཁང་གཏོར་བཅོམ་བྱེད་མཁན་བཅས་ཀྱི་ཉེས་འཛུགས་འོག ལོ་ ༡༠ ནས་ ༡༤ བར་གྱི་དུས་བཀག་བཙོན་འཇུག་གི་ཁྲིམས་ཐག་བཅད་འདུག
དེ་བཞིན་ཕ་སངས་རྒྱས་རྒྱལ་མཚན་དང་མ་ཚེ་ལོ་གཉིས་ཀྱི་བུ་འཕྲིན་ལས་ལ། སྔ་ལོའི་ས་གནས་ཀྱི་ཞི་རྒོལ་སྐབས་དངུལ་ཁང་གཏོར་བཅོམ་བྱེད་མཁན་དང་ཁ་བྲལ་བའི་ཉེས་མིང་འོག གོང་ཚེས་ཉིན་བྲག་
མི་སྐྱ་འཕྲིན་ལས་ལགས།
མགོ་རྫོང་མི་དམངས་ཁྲིམས་ཁང་ཟེར་བས་ལོ་ ༡༠ ཡི་དུས་བཀག་བཙོན་འཇུག་གི་ཁྲིམས་ཐག་དང་། བྲག་མགོ་མདའ་མདོ་ཞང་གི་བོད་མི་གཉིས་ལ་ཡང་ལོ་ ༡༡ རེའི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག་པ་བཅས། །
