༢༠༡༣ ཟླ་ ༡ ཚེས་ ༡༧ རེས་གཟའ་ཕུར་བུ།
༄༅། །ཕྱི་ལོ་ ༢༠༡༣ ཟླ་ ༡ ཚེས་ ༣ ཉིན་ཏི་ཛུ་དར་རྒྱས་གླིང་ས་གནས་འགོ་འཛིན་ལས་ཁང་ནས་བཏང་ནས་ནང་འཁོད་དོན། སྤྱིར་ཏི་ཛུ་དར་རྒྱས་གླིང་ས་གནས་མི་མང་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་གསང་གསུམ་ལ་སྐུ་བགེགས་ཀྱི་མཚན་མ་རང་སར་ཞི་ནས་ཐུགས་བཞེད་བོད་ལྗོངས་རང་དབང་གཙང་མའི་བདེ་སྐྱིད་མྱུར་དུ་འཆར་ནས་གཞིས་བྱེས་མཉམ་འཛོམས་དང་། རྒྱལ་ཁམས་སད་སེར་དམག་འཁྲུག་མུ་གེ་སོགས་སྙིགས་མའི་རྒུད་ཚོགས་རིང་དུ་ཞི་ནས་ལྷག་པར་བོད་གངས་ཅན་ལྗོངས་སུ་བོད་བསྟན་སྲིད་རང་དབང་དོན་དུ་རང་ལུས་མེར་སྲེག་གི་རྒྱལ་གཅེས་པ་རྣམས་ཀྱིས་ཚེ་རབས་ཕྲེང་བར་སྡིག་ལྟུང་རྣམས་བྱང་ཞིང་དག་ནས་རྣམ་མཁྱེན་རྒྱལ་བའི་གོ་འཕང་ཐོབ་པ་དང་། ཞར་བྱུང་ཏི་ཛུ་དར་རྒྱས་གླིང་འགོ་མང་གཙོས་སེམས་ཅན་ཡོངས་ཀྱི་ལེགས་ཚོགས་ཆོས་མཐུན་བྱ་བ་ལྷུན་འགྲུབ་ཆེད་ས་གནས་སུ་ལྷ་དགོན་བྱང་ཆུབ་ཆོས་གླིང་དགོན་དུ་རྫོགས་ཆེན་དགའ་ནོར་རིན་པོ་ཆེ་དབུ་བཞུགས་ཐོག་དགེ་འདུན་འདུས་པ་རྒྱ་མཚོ་ནས་ཕྱི་ལོ་ ༢༠༡༢ ཟླ་ ༡༠ ཚེས་ ༢༥ ནས་ ༢༩ བར་དང་། ཕྱི་ཟླ་ ༡༢ ཚེས་ ༨ ནས་ ༡༣ རིང་ཕུར་ལྡོག་གནམ་ལྕགས་མེ་འཁོར་ཆོ་གའི་སྒོ་ནས་དང་ཕྱི་ཚེས་ ༣༠ དང་ ༡༣ ཉིན་བོད་ནང་རང་ལུས་མེར་སྲེག་རྣམས་ཀྱི་སླད་འོད་དཔག་མེད་ཆོག་ག་བདེ་ཆེན་ཞིང་སྒྲུབ་དང་། རྟེན་མཆོག་སྤྱན་སྔར་ཀུན་བཟང་མཆོད་སྤྲིན་ལྔ་སྟོང་ཚར་འབུལ་བཤམས། འདུས་པ་རྒྱ་མཚོར་བསྙེན་བཀུར་སྐུ་འགྱེད་མི་མང་ལ་ཉིན་གུང་ཞལ་ལག་བཅས་དགའ་ནོར་རིན་པོ་ཆེའི་བླ་བྲང་ནས་གོ་སྒྲིག་གནང་བ་དང་། དེ་བཞིན་ཕྱི་ཚེས་ ༡ དང་ ༡༤ ཉིན་སྒྲོལ་ཆོག་དང་ཚོགས་འབུམ་སྨིན་གྲུབ་ཞུས་བསྟུན་སྤྱི་རིམ་ཚོགས་ཆུང་གི་རྩིས་ཁྲ་མང་ཚོགས་སུ་གསལ་བསྒྲགས་ཞུས་པ་གཤམ་གསལ། གཞིས་གྲོང་ཁག་ལྔ་དང་ཕྱི་རྒྱལ་ཁག་ནས་ཞལ་འདེབས་བྱུང་བ་སྒོར། ༡༦༦༦༨༠།༠༠ འགྲོ་གྲོན་སོང་བ་སྒོར། ༥༩༥༤༦།༠༠ ལྷག་འཕྲོས་རྗེས་ལོའི་སྤྱི་རིམ་ཐེབ་རྩའི་ཆེད། ༤༧༥༨༩།༠༠ ཡིན་འདུག་པ་བཅས། །
