༢༠༡༢ ཟླ་ ༡༢ ཚེས་ ༥ རེས་གཟའ་ལྷག་པ།

༄༅། །འདི་གར་ཨ་རིའི་སྐུ་ཚབ་དོན་གཅོད་ཀྱི་རྒྱ་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས་ཀྱིས་གནས་ཚུལ་མཁོ་སྤྲོད་གནང་དོན། ཕྱི་ལོ་ ༢༠༡༢ ཟླ་ ༡༡་ཚེས་ ༢༥ ཉིན་ཨ་རིས་གཙོས་ཕྱི་རྒྱལ་དུ་ཡོད་པའི་རྒྱ་རིགས་མང་གཙོ་དོན་གཉེར་བའི་ཚོགས་པ་ཁག་གཅིག་ཐུན་མོང་ནས་སྣེ་འཁྲིད་དེ་བོད་ནང་རང་ལུས་མེར་སྲེག་གི་དོན་རྐྱེན་མུ་མཐུད་ཐོན་བཞིན་པར་དམིགས་ཏེ་དྲ་ཐོག་དང་དེ་བཞིན་རྒྱལ་ཁབ་ཁག་གི་གྲོས་ཚོགས་འཐུས་མི་དང་གཞུང་གི་འགོ་ཁྲིད། འགྲོ་བ་མིའི་ཐོབ་ཐང་ཚོགས་པ། རྒྱལ་ཁབ་སོ་སོའི་གསར་འགོད་པ། ཡུ་རོབ་སྤྱི་མཐུན་ཚོགས་པ། མཉམ་འབྲེལ་རྒྱལ་ཚོགས་བཅས་ལ་ཕུལ་བའི་འབོད་སྐུལ་གྱི་ཡི་གེ་དེར་ད་བར་པེ་ཅིང་དཔྱིད་ཀ་ཚོགས་པ་དང། རྒྱ་ནག་ལས་དོན་ཚོགས་པ། རྒྱ་ནག་དམངས་གཙོ་ཚོགས་པ། ཕྱི་སྡོད་རྒྱ་རིགས་མང་གཙོ་མཉམ་རུབ་ཚོགས་པ། རྒྱ་ནག་ཞིང་པའི་མཐུན་ཚོགས། རྒྱ་ནག་ཆབ་སྲིད་བཙོན་པའི་མཐུན་ཚོགས། སོགས་ཚོགས་སྡེ་ཁག་མི་འདྲ་བ་ ༦༠ བརྒལ་བས་རྒྱབ་སྐྱོར་གྱི་ས་རྟགས་ཡོད་པ་བཅས།།