༢༠༡༢ ཟླ་ ༡༢ ཚེས་ ༣ རེས་གཟའ་ཟླ་བ།
༄༅། །བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། ཕྱི་ལོ་ ༢༠༡༢ ཟླ་ ༡༢ ཚེས་ ༢ རེས་གཟའ་ཉི་མའི་ཉིན་རྒྱབ་བོད་ནང་གི་ཕྱེད་ཡོལ་ཆུ་ཚོད་ ༣།༤༠ ཙམ་ལ། བོད་ཨ་མདོ་བླ་བྲང་བཀྲ་ཤིས་འཁྱིལ་བསང་ཆུ་རྫོང་འབོ་ར་ཡུལ་ཚོ། བརྡར་མདོ་སྡེ་བའི་སྟག་མགོ་ཚང་གི་བུ་གཟུངས་འདུས་སྐྱབས་ཞུ་བ་ཞིག་གིས་འབོ་རའི་དགོན་པའི་ཉེ་འཁྲིས་གཞུང་ལམ་སྟེང་དུ་རང་ལུས་མེར་སྲེག་གནང་སྟེ་རྒྱ་ནག་གཞུང་གིས་བོད་མིའི་ཐོག་འཛིན་བཞིན་པའི་དམ་བསྒྲགས་ཅན་གྱི་སྲིད་བྱུས་ལ་ཞི་རྒོལ་གནང་ཡོད། གཟུངས་འདུས་སྐྱབས་ལགས་ཀྱི་ཕ་མིང་ལ་ཚེ་བྷ་དང་མ་མིང་ལ་བནྟེ་འཚོ་ཞུ་ཡི་ཡོད་པ་དང་། ཁོང་ལ་གཟའ་ཟླ་དང་བྱིས་པ་ལོ་གཉིས་མ་ཟིན་ཙམ་ཞིག་ཡོད་འདུག་པ་བཅས།།
