༢༠༡༢ ཟླ་ ༡༢ ཚེས་ ༡༥ རེསགཟའ་སྤེན་པ།
༄༅། །ཕྱི་ལོ་ ༢༠༡༢ ཟླ་ ༡༢ ཚེས་ ༡༤ ཉིན་ཁེ་ན་ཌའི་ཕྱི་འབྲེལ་ལས་དོན་ཚན་པའི་བློན་ཆེན་སྐུ་ཞབས་ཇོན་བྷེར་ཌི་མཆོག་གིས་ John Baird བོད་མིས་རང་ལུས་མེར་སྲེག་བཏང་བའི་གནད་དོན་ཐོག་སེམས་འཚབ་ཡོད་པའི་བསྒྲགས་གཏམ་ཞིག་སྤེལ་བའི་ནང་འཁོད་དོན། བོད་མིས་རང་ལུས་མེར་སྲེག་གཏོང་མཁན་ཇེ་མང་དུ་འགྲོ་བཞིན་པ་དེར་རྒྱ་ནག་གཞུང་གིས་གདོང་ལེན་བྱེད་ཆེད་དམ་བསྒྲགས་ཆེ་རུ་བཏང་རྐྱེན་གནས་སྟངས་དེ་བས་ཛ་དྲག་ཏུ་འགྲོ་བཞིན་པ་དེར་ང་རང་ལ་ཧ་ཅང་སེམས་འཚབ་ཡོད། ཁེ་ན་ཌ་གཞུང་གིས་བོད་མིའི་སྨྲ་བརྗོད་དང། འདུ་འཛོམས་ཀྱི་ཐོབ་ཐང་ལ་རྒྱབ་སྐྱོར་ཞུ་རྒྱུ་ཡིན། རང་སྲེག་ཐོག་ནས་རང་གི་མངོན་འདོད་བསྒྲུབ་ཐབས་བྱས་པ་དེས་བོད་མི་རྣམས་ཀྱིས་རང་གི་ཆོས་དང་སྐད་ཡིག རིག་གཞུང་སྲུང་སྐྱོབ་ཀྱི་ཐོབ་ཐང་ལ་སྙིང་ཐག་པ་ནས་གཙིགས་ཆེར་འཛིན་བཞིན་ཡོད་པའི་དཔང་རྟགས་གསལ་པོ་ཆགས་ཡོད། དེར་བརྟེན་ཁེ་ན་ཌའི་གཞུང་གིས་རྒྱ་ནག་གཞུང་ལ་བོད་མི་ཚོར་རང་གི་ཆོས་དང་རིག་གཞུང་གཅེས་སྐྱོང་བྱ་རྒྱུའི་ཐོབ་ཐང་སྤྲད་དེ་ཛ་དྲག་གི་གནས་སྟངས་ཞི་འཇམ་ཡོང་ཐབས་བྱེད་དགོས་པ་མ་ཟད། བོད་ཀྱི་ས་ཁུལ་ཁག་ཏུ་རྒྱལ་སྤྱིའི་སྐུ་ཚབ་འཐུས་མི་དང་གསར་འགོད་པ། རྟོག་ཞིབ་པ་སོགས་འགྲོ་རྒྱུར་ཆོག་མཆན་སྤྲོད་དགོས་པ་དང་། བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གམ་ཁོང་གི་སྐུ་ཚབ་དང་ལྷན་བོད་ཀྱི་གནད་དོན་སེལ་ཆེད་གཉིས་སྨན་ཐབས་ལམ་ཐོག་ནས་གྲོས་མོལ་ཡོང་ཐབས་བྱེད་དགོས་པའི་རེ་འདུན་ཞུ་རྒྱུ་ཡིན། ཞེས་འཁོད་ཡོད་པ་བཅས།།
