༢༠༡༢ ཟླ་ ༡༡ ཚེས་ ༢༦ རེས་གཟའ་ཟླ་བ།
༄༅། །བརྒྱུད་ལམ་ཁག་ནས་གནས་ཚུལ་སྤེལ་གསལ་ལཏར་ན། ཕྱི་ལོ་ ༢༠༡༢ ཟླ་ ༡༡ ཚེས་ ༢༦ ཉིན་གྱི་ཕྱི་དྲོ་བོད་མདོ་སྨད་བླ་བྲང་ཨ་མཆོག་ཞང་བན་ཀན་སྡེ་བའི་རང་ལོ་ ༡༨ ཡིན་པའི་རྒྱལ་གཅེས་དཔའ་པ་དཀོན་མཆོག་ཚེ་རིང་ལགས་ཀྱིས། ཨ་མཆོག་རྒྱ་གར་ཐང་གི་གཏེར་ཁ་སྔོག་སའི་སྒོ་འགྲམ་ཏུ་རང་ལུས་མེར་བསྲེགས་ཀྱིས་རྒྱ་གཞུང་ལ་ཞི་རྒོལ་བྱས་ཏེ་སྐུ་གྲོངས་འདུག
རྒྱལ་གཅེས་དཔའ་པ་ཁོང་གི་ཕའི་མིང་ལ་ཚེ་འཕགས་སྐྱབས་ལོ་ ༤༠ དང་། མའི་མིང་ལ་མགོན་པོ་མཚོ་ལོ་ ༣༧ ཡིན་འདུག ཁོང་གི་ཕུ་བོའི་མིང་ལ་དཔལ་འབྱོར་རྒྱ་མཚོ་ཟེར་ཞིང་ད་ལྟ་གྲྭ་བ་ཡིན་འདུག རྒྱལ་གཅེས་དཔའ་པ་ཁོང་གི་ཆུང་མའི་མིང་ལ་སངས་རྒྱས་མཚོ་ཟེར་ཞིང་ལོ་ ༡༩ ཡིན་འདུག་པ་བཅས།།
