༢༠༡༢ ཟླ་ ༡༡ ཚེས་ ༡༩ རེས་གཟའ་ཟླ་བ།
༄༅། །ཕྱི་ལོ་ ༢༠༡༢ ཟླ་ ༡༡ ཚེས་ ༡༩ ཉིན་བོད་མིའི་སྒྲིག་འཛུགས་བཀའ་ཤག་གི་ཚོམས་ཆེན་དུ་ཕྱི་དྲིལ་ལས་ཁུངས་ནས་གོ་སྒྲིག་ཐོག་བོད་མིའི་སྒྲིག་འཛུགས་ཀྱི་ཕྱི་རྒྱལ་སྐུ་ཚབ་དོན་གཅོད་རྣམ་པའི་ལྷན་ཚོགས་དབུ་འཛུགས་གནང་ཡོད།
དེ་ཉིན་སྔ་དྲོ་ཆུ་ཚོད་ ༩ ཐོག་སྲིད་སྐྱོང་བློ་བཟང་སེང་གེ་མཆོག་དང་། ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག ཕྱི་དྲིལ་དྲུང་ཆེ་བཀྲ་ཤིས་ལགས་དང་དྲུང་འཕར་བཀྲ་ཤིས་ཕུན་ཚོགས་ལགས། དེ་བཞིན་ལྡི་ལི། བྱང་ཨ་རི་དང་ཁེ་ཎ་ཌ། ཡུ་རོབ་དམིགས་བསལ་སྐུ་ཚབ། སུད་སི། ཉི་ཧོང་དང་ཤར་ཨེ་ཤི་ཡ། ཕ་རན་སིའི་འབྲེལ་མཐུད་པ། བྷེལ་ཇམ། ཨིན་ཡུལ། ལྷོ་ཨ་ཕི་རི་ཀ། ལྷོ་ཨ་རིའི་འབྲེལ་མཐུད་པ། ཨོ་སི་ཊོ་ལི་ཡ་དང་ནིའུ་ཛི་ལན་ཌི། ཐེ་ཝན། ཨུ་རུ་སུ། བཅས་ཕྱི་རྒྱལ་སྐུ་ཚབ་དོན་གཅོད་རྣམ་པའི་ལྷན་ཚོགས་དབུ་འཛུགས་གནང་ཡོད། ལྷན་ཚོགས་འདིར་བོད་མིའི་རང་ལུས་མེར་སྲེག་བཏང་བའི་ཐོག་བོད་མིའི་སྒྲིག་འཛུགས་ཀྱི་ལངས་ཕྱོགས་དང་རྒྱ་ནག་གི་འགོ་ཁྲིད་འཕོ་འགྱུར་ཐོག་འབྲེལ་ཡོད་གཞུང་གིས་བསམ་ཚུལ་སྐོར་སོགས་ཀྱི་གནད་དོན་ཐོག་ཉིན་གསུམ་གྱི་བགྲོ་གླེང་དབུ་འཛུགས་གནང་ཡོད་པ་བཅས།།
