༢༠༡༢ ཟླ་ ༡༡ ཚེས་ ༣༠ རེས་གཟའ་པ་སངས།

༄༅། །ཕྱི་ལོ་ ༢༠༡༢ ཟླ་ ༡༡ ཚེས་ ༣༠ ཉིན་རྡ་སར་རྟེན་གཞི་བྱས་པའི་ཧིན་བོད་མཛའ་འགྲེལ་ཚོགས་པས་(Indo-Tibetan Friendship Association)གོ་སྒྲིག་འོག་འཕགས་བོད་འབྲེལ་བའི་སྐོར་གོ་རྟོགས་ལས་འགུལ་ཞིག་སྤེལ་ཡོད། ལས་འགུལ་དེ་འདྲ་སྤེལ་དགོས་པའི་རྒྱུ་མཚན་གཙོ་བོ་ནི་ས་གནས་ཡུལ་མི་དང་བོད་མི་སྐྱབས་བཅོལ་བའི་དབར་འབྲེལ་བ་ཇེ་བཟང་དུ་གཏོང་རྒྱུའི་ཆེད་དུ་ཡིན་འདུག ལས་འགུལ་དེའི་སྐབས་རྒྱ་གར་ས་གནས་ཉེན་རྟོག་མི་སྣ་ནི་ཧལ་ཅཱནྡ་དང་བདེ་སྲུང་དྲུང་ཆེ་དངོས་གྲུབ་རྡོ་རྗེ་ལགས། ཧིན་བོད་མཛའ་འབྲེལ་ཚོགས་པའི་ཚོགས་གཙོ་ཨ་ཇེ་སིངྒ་མོན་ཀོ་ཊི་ཡ་ལགས།

དེ་བཞིན་ཕྱོགས་གཉིས་ཀྱི་སྐུ་ཚབ་འཐུས་མི་ཁག་གཅིག་མཉམ་བཞུགས་གནང་འདུག
སྐབས་དེར་ཀངྒ་ར་རྫོང་གི་རྒྱ་གར་ས་གནས་ཉེན་རྟོག་མི་སྣ་ནི་ཧལ་ཅཱནྡ་ Additional Superintendent of Police, Kangra District Mr Nihal Chaand ལགས་ཀྱིས་རྒྱ་གར་ས་གནས་ཡུལ་མི་དང་བོད་མིའི་དབར་འབྲེལ་བ་བཟང་པོ་སྐྲུན་རྒྱུ་ཧ་ཅང་གལ་ཆེན་པོ་ཡིན་པ་དང་། བོད་མི་ཚོས་སྐྱབས་བཅོལ་ལག་དེབ་ཐོག་འཕར་འགྱངས་བྱེད་རྒྱུ་གལ་ཆེ་ཡིན་སྐོར་སོགས་གསུངས་ཡོད། ཐེངས་འདིའི་གོ་རྟོགས་ལས་འགུལ་དེ་བཞིན་རྡ་ས་ས་གནས་བོད་མིའི་ཁྲོད་དུའང་སྤེལ་རྒྱུ་ཡིན་འདུག དེའི་དམིགས་ཡུལ་གཙོ་བོ་ནི་ས་གནས་བོད་མི་ཚོའི་ས་གནས་རྒྱ་གར་གྱི་ཁྲིམས་ལུགས་ཐོག་གོ་རྟོགས་ཡོང་རྒྱུའི་ཆེད་དུ་ཡིན་འདུག་པ་བཅས།།