༄༅། །ཡུ་རོབ་སྤྱི་མཐུན་ཚོགས་པའི་གྲོས་ཚོགས་སུ་ཆེད་འཛུགས་གནང་བའི་འགྲོ་བ་མིའི་ཐོབ་ཐང་ཚོགས་པའི་ཡན་ལག་ཚན་པའི་ཚོགས་གཙོ་ལྕམ་སྐུ་བྷར་བྷ་ར་ལོ་ཆི་བྷི་ལར་ (Ms Barbara Lochbihler) མཆོག་གིས་རྒྱ་ནག་གཞུང་གིས་བོད་མིའི་ཐོག་དམ་བསྒྲགས་ཅན་གྱི་སྲིད་བྱུས་ལག་བསྟར་བྱེད་བཞིན་པ་དེར་སྐྱོན་བརྗོད་ཤུགས་ཆེ་གནང་བ་མ་ཟད། ལྕམ་སྐུ་མཆོག་ནས་བོད་ཀྱི་གནད་དོན་སེལ་ཆེད་རྒྱ་ནག་གཞུང་གིས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་དང་ལྷན་གྲོས་མོལ་གནང་དགོས་པ་རྒྱ་ནག་གཞུང་ལ་ཛ་དྲག་གི་རེ་འདུན་ཤུགས་ཆེ་གནང་བ་དང་སྦྲགས་གསུངས་དོན། ཡུ་རོབ་སྤྱི་མཐུན་ཚོགས་པ་དང་རྒྱ་ནག་དབར་འགྲོ་བ་མིའི་ཐོབ་ཐང་གི་ལོ་འཁོར་ལྷན་ཚོགས་ཀྱི་རྣམ་པ་དེར་དོན་འབྲས་སོན་པ་ཞིག་ཡོང་ཆེད་བསྒྱུར་བ་གཏོང་དགོས། ཞེས་རེས་འདུན་ཤུགས་ཆེ་བཏོན་ཡོད་པ་བཅས།།