༢༠༡༢ ཟླ་ ༡༠ ཚེས་ ༡ རེས་གཟའ་ཟླ་བ།
༄༅། །ཕྱི་ལོ་ ༢༠༡༢ ཟླ་ ༩ ཚེས་ ༢༩ རེས་གཟའ་སྤེན་པའི་ཉིན་ཕ་ཡུལ་ཆབ་མདོ་རྫོང༌། ཀརྨ་གཡུ་ཚོ་ནས་ཡིན་པའི་རང་ལོ་ ༢༧ ཡིན་པ་གཡུང་དྲུང་ལགས་ཀྱིས་སྐྱེ་རྒུ་མདོའི་རྫ་སྟོད་དུ་རྒྱ་ནག་གཞུང་གིས་བོད་མིའི་ཐོག་འཛིན་པའི་ནོར་འཁྲུལ་ཅན་གྱི་སྲིད་བྱུས་ལ་ངོ་རྒོལ་གནང་སྟེ། རང་ལུས་མེ་སྲེག་བཏང་འདུག
དེ་ཡང་གསར་འགྱུར་བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། ཉེ་ཆར་ས་ཁུལ་དེའི་ནང་རྒྱ་ནག་གཞུང་གིས། བོད་ལ་བདེ་སྐྱིད་ཡོད་སྐོར་གྱི་འཁྲབ་སྟོན་ཆེན་པོ་ཞིག་བྱས་ཏེ་གློག་བརྙན་པར་ལེན་བྱ་དགོས་པའི་བཙན་བཀའ་གཏོང་སྐབས། བོད་མི་ཚོས་འཁྲབ་སྟོན་བྱ་རྒྱུར་འདོད་པ་མེད་པ་བཤད་ཡོད་པའི་གནས་ཚུལ་བྱུང་རྗེས། ཕྱི་ཟླ་ ༩ ཚེས་ ༢༩ ཉིན་ས་གནས་ཀྱི་ཕྱི་དྲོའི་ཚོུད་ ༧ པ་ཙམ་ལ་གཡུང་དྲུང་ལགས་ཀྱིས་བོད་ཆས་གྱོན་ཏེ་རང་ལུས་མེ་སྲེག་བཏང་བ་དང༌། ལུས་ལ་མེ་འབར་བཞིན་དུ་བོད་རང་བཙན་དགོས། ༸རྒྱལ་བ་རིན་པོ་ཆེ་དང་ཀརྨ་པ་བོད་དུ་གདན་འདྲེན་ཞུ་དགོས། ༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བློ་བཟང་སེངྒེ་བོད་ཀྱི་རྒྱལ་པོ་ཡིན། བོད་ནང་གཏེར་ཁ་སྔོག་འདོན་མཚམས་འཇོག་བྱེད་དགོས་ཞེས་འབོད་ཚིག་སྒྲོག་བཞིན། རྫ་སྟོད་གྲོང་ཁུལ་དུ་བོད་པའི་ཚོང་ཁང་འགའ་ཤས་ཤིག་ཡོད་པ་དེ་བརྒྱུད་ནས་བསྐྱོད་ཡོད་འདུག དེ་རྗེས་ས་གནས་ཉེན་རྟོག་པ་སླེབས་ཏེ་བཙན་ཁྲིད་བྱས་འདུག་པ་བཅས། །
སྐྱེ་རྒུ་མདོའི་གཡུང་དྲུང་ལགས་ཀྱིས་བོད་ལ་རང་དབང་དགོས་༸གོང་ས་མཆོག་བོད་དུ་གདན་འདྲེན་ཞུ་དགོས་པའི་འབོད་སྒྲ་སྒྲོགས་བཞིན་རང་ལུས་མེར་སྲེག་བཏང་བ།
གསར་གནས།
འབྲེལ་གནས།
