༢༠༡༢ ཟླ་ ༡༠ ཚེས་ ༢༣ རེས་གཟའ་མིག་དམར།
༄༅། །ཕྱི་ལོ་ ༢༠༡༢ ཟླ་ ༡༠ ཚེས་ ༢༣ ཉིན་གྱི་ཕྱེད་ཡོལ་བོད་ནང་གི་ཆུ་ཚོད་ ༤ དང་ཕྱེད་ཀ་ཙམ་ལ་མདོ་སྨད་བླ་བྲང་ཟ་ཡུས་ནང་ནས་ཡིན་པ་རང་ལོ་ ༥༧ སོན་པའི་སྐྱ་བོ་རྡོ་རྗེ་རིན་ཆེན་ལགས་ཀྱིས་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་དྲག་ཆས་ཉེན་རྟོག་ཁང་གི་སྒོ་འགྲམ་ནས་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་ཡོད།
རྡོ་རྗེ་རིན་ཆེན་ལགས་ཀྱིས་བསང་ཆུ་རྫོང་འོད་ལྡན་ཚོང་རའི་ཉེ་འདབས་དྲག་ཆས་ཉེན་རྟོག་ཁང་གི་སྒོ་འགྲམ་སྲང་ལམ་དུ་རང་ལུས་མེར་སྲེག་བཏང་རྗེས། ས་གནས་མི་མང་གིས་ཁོང་གི་སྐུ་ཕུང་རྒྱ་གཞུང་གི་ལག་ཏུ་ཤོར་མ་བཅུག་པར་ཕྱིར་སྡེ་བའི་ནང་ཁྱེར་ཡོད་འདུག
ད་ལྟའི་ཆར་ས་གནས་བོད་མི་མང་པོ་ཞིག་ཟ་ཡུས་སྡེ་བའི་ཕྱོགས་སུ་བསྐྱོད་བཞིན་ཡོད་ཅིང་། རྒྱ་གཞུང་གིས་ཉེན་རྟོག་དམག་མི་འགྲེམས་འཇོག་གིས་སྲང་ལམ་ཁག་ཏུ་བཀག་སྡོམ་ནན་མོ་བྱེད་བཞིན་པ་མ་ཟད། ཁ་པར་དང་དྲ་རྒྱའི་བརྒྱུད་ལམ་ཆ་ཚང་བཀག་འགོག་བྱས་ཡོད་འདུག
